«Panda hora gucaaʼ»

Ñee huayuu dxi guinabadiidxaluʼ zacá la? Lu ni rizaané Xhiiñaʼ Reinu ni Rúninu yaza 5 párrafo 2 dede 4 zeeda caadxi cosa ni cusiene ximodo zanda ugabaʼ binni hora bicheeche diidxaʼ. Ne gatigá rireeni lu ca guiʼchiʼ ni nápanu casi ni láʼ «Ndaa ra rinabadiidxaʼ» ni zeeda lu Xhiiñaʼ Reinu ni Rúninu septiembre 2008. Cumu gadxé gadxé nga ni rizaaca né cada tobi de cani rucheeche diidxaʼ la? qué rinadu quíxhedu ximodo zanda guni cada tobi de laacaʼ. Nga runi cadi naquiiñeʼ quixheʼ ca binnigola ne xcaadxi xpinni Cristu ximodo ugabaʼ binni hora bicheeche diidxaʼ.

Pa nuu xiixa ni cadi cayene cani rucheeche diidxaʼ ne gastiʼ ti guiʼchiʼ ra cá ximódopeʼ naquiiñeʼ gúnicabe ni la? cada tobi naquiiñeʼ guinabadiidxaʼ: «Ñee biaʼ tiempu cucaaʼ nga bicheecheʼ diidxaʼ la? o biquiiñeʼ ni para guneʼ sti cosa». Ca hora gucaʼnu ora guiluxe beeu ca naquiiñeʼ gusiecheʼ cani laanu ne cadi naquiiñeʼ guchiiñaʼ cani xquendabiaaninu (Hech. 23:1). Ni jma risaca nga iquiiñenu tiempu stinu jneza ora maʼ canagucheechenu diidxaʼ ne cadi guicá íquenu modo ugábanu ca hora ni bíninu (Heb. 6:11).