Iquiiñenu tiempu stinu jneza ora gucheechenu diidxaʼ
Biaʼsi 1,945,487,604 hora bicheeche ca testigu stiʼ Jiobá diidxaʼ lu iza dxiiñaʼ 2014, nga rusihuinni maʼ gudixhe íquenu cadi gusaana de gúninu xhiiñaʼ Jiobá (Sal. 110:3; 1 Cor. 15:58). Cumu «ma huaxiéʼ dxi riaadxa» la? galán iquiiñenu tiempu rucheechenu diidxaʼ para guinínenu jma binni (1 Cor. 7:29).
Para iquiiñenu tiempu stinu jneza ora gucheechenu diidxaʼ la? naquiiñeʼ guchaʼnu modo maca rúninu ni. Yanna, xi zanda gúninu para guidxélanu jma binni pa gatigá ridiʼdiʼ jma de ti hora o chupa hora sin guinínenu nin ti binni ora maʼ canagucheechenu diidxaʼ yaʼ. Neca gadxé gadxé modo rireeche diidxaʼ cada lugar, peru raríʼ zeeda caadxi cosa ni zándaca gacané laanu iquiiñenu tiempu stinu jneza ne cadi gúnisinu stipa sin cueendunu gastiʼ (1 Cor. 9:26).
Gucheechenu diidxaʼ de yoo pur yoo. Maʼ stale iza napa ca publicador costumbre checaʼ de yoo pur yoo casi guzulú gucheechecaʼ diidxaʼ. Peru cumu stale binni runi dxiiñaʼ guidubi dxi la? galán gucheechenu diidxaʼ de yoo pur yoo huadxí ne ora maʼ zixhinni. Hora ca jma zanda guidxélanu binni ra lidxi ne maʼ caziiláʼdxicaʼ. Ne pa guireʼnu siadóʼ la? jma zadxélanu binni lu calle o ra nuu ca negocio.
Gucheechenu diidxaʼ ra ridiʼdiʼ stale binni. Ca mexaʼ ne ca exhibidor naquiiñeʼ guzuhuaacabe cani ra ridiʼdiʼ stale binni ne chuʼ cani lu territorio stiʼ congregación (biiyaʼ Xhiiñaʼ Reinu ni Rúninu julio 2013, yaza 5). Pa maʼ huaxiéʼ ridiʼdiʼ binni lugar ca la? naquiiñeʼ guʼyaʼ Comité de Serviciu stiʼ congregación pa zuchaa exhibidor ca de lugar ne chinecaʼ ni ra jma ridiʼdiʼ binni.
Revisita ne estudiu. Nuu hora huaxiéʼ riuu binni ra lidxi, lu calle o xcaadxi lugar ora maʼ zigucheechenu diidxaʼ. Ñee ñanda ñúninu estudiu ne revisita hora ca la? Casi pa jma ridxélanu binni ora chigucheechenu diidxaʼ de yoo pur yoo sábadu siadóʼ la? zanda chigúninu estudiu huadxí ne ora maʼ zixhinni. O pa chuunu ndaaniʼ carru para chigúninu revisita la? zándaca jma galán cheʼ chupa chonna si ndaaniʼ cada carru ti ganda chigánnacaʼ jma binni.
Neca riuʼnu nayecheʼ ora rucaʼnu panda hora rucheechenu diidxaʼ, ziuʼnu jma nayecheʼ pa guidxélanu binni gucaadiaga laanu. Pa nuu hora qué ridxélanu binni ra lidxi, lu calle o sti lugar la? zándaca caquiiñeʼ guchaʼnu hora rucheechenu diidxaʼ ne modo rúninu ni. Guni orarnu Jiobá «xpixuaana» dxiiñaʼ riʼ, para gacané laanu iquiiñenu tiempu stinu jneza ora gucheechenu diidxaʼ (Mat. 9:38).