Modo bisihuinni ca testigu stiʼ Jiobá naroʼbaʼ fe sticaʼ. Primé ndaa: Bireecabe de lu gueelacahui

Ora ruzeeteʼ Biblia de biaaniʼ caniʼni de ni dxandíʼ, ne ora guzeeteni de gueelacahui caniʼni de ni cadi dxandíʼ (Sal. 43:3; Isa. 5:20). Dxi bisiguii Binidxabaʼ Eva, binni guidxilayú beeda chuu lu gueelacahui. Ca dxi stinu riʼ, guiráʼ xixé binni nabani lu gueelacahui (Apo. 12:9). Videu ni láʼ Los testigos de Jehová: una historia de fe viva. Parte 1: Salen de la oscuridad cuzeeteʼ ximodo biree binni lu gueelacahui ne guyuucaʼ lu biaaniʼ ra biziidicaʼ ni dxandíʼ de Dios (Isa. 60:1, 2). Gúʼyasitu videu ca, laguni stipa pur guicábitu ca guendarinabadiidxaʼ riʼ.

1) Guti si guiráʼ ca apóstol, ximodo bidale binni ni na zinanda Cristu. 2) Dede lu siglu XII, xi gucané gudii binni cuenta cadi jneza guiráʼ ni rusiidicabe ra yuʼduʼ. 3) Tu guca Henry Grew ne George Storrs. 4) Xi bizaaca lu xquendanabani Charles Russell. 5) Xi biʼniʼ Russell, bixhózebe ne xcaadxi ni runibiaʼbe para gánnacaʼ xi na Biblia. Xi guleendúcabe pur ni bíʼndacabe. 6) Ximodo bieeguʼ grupu huiiniʼ ra zeeda Russell grupu stiʼ Nelson Barbour. Xiñee bixélecabe despué. 7) Xi bizaaca lu beeu julio iza 1879 ni gucané binni guiree de lu gueelacahui. 8) Dede dxiqué, xi biʼniʼ grupu de Binni Ruundaʼ Biblia para gucheechecaʼ diidxaʼ. 9) Xi guleza ca Binni Ruundaʼ Biblia nizaaca lu iza 1914. 10) Guti si Russell, xi bidxaagalú ca Binni Ruundaʼ Biblia. 11) Xi biʼniʼ ca Binni Ruundaʼ Biblia biree si Rutherford de ndaaniʼ lidxi guiibaʼ ne xcaadxi xpinni Cristu. 12) Ximodo gucané videu riʼ lii gannaxhiiluʼ xquidxi Jiobá. 13) Ximodo gucané videu riʼ lii cadi gusaana de gucheecheluʼ diidxaʼ né stale gana, neca guidxaagaluluʼ guendanagana. 14) Ximodo raʼbuʼ zanda iquiiñeluʼ videu riʼ para gacaneluʼ binnilídxiluʼ, cani ruundaneluʼ Biblia ne xcaadxi binni.

¡Nabé risaca ca ejemplu sicarú ni bisaanané ca Binni Ruundaʼ Biblia laanu! Neca bibánicabe lade binni ni guyuu lu gueelacahui, peru beeda gácacabe casi biaaniʼ purtiʼ gúcacabe nadxibalú ne bíʼnicabe xhiiñaʼ Dios né stale gana. Chinándanu ejemplu stícabe ne sanu casi «cani ma nuu ra nayaʼniʼ» (Efe. 5:8).