Caadxi modo zanda guinínenu binni
Ximodo zanda guzulú gúʼndanenu binni Biblia primé sábadu stiʼ julio
«Guiráʼ binni ñuulaʼdxiʼ nibani nayecheʼ ne xadxí. Racalaʼdxeʼ gannaʼ xi riníʼ íqueluʼ de guendarinabadiidxaʼ riʼ: ñee raʼbuʼ ziuu dxi gacané ca científicu ne ca binni ni ruundaʼ de medicina ca laanu guibáninu sin qué chuʼ dxi gátinu la?» Guicabi si binni ca, biluíʼ laabe últimu yaza stiʼ Torre stiʼ ni rapa 1 stiʼ julio ne biindané laabe ra zeeda ni cacabi primé guendarinabadiidxaʼ ca ne tobi de ca textu zeeda luni. Bisaanané laabe ca revista ca ne gudxi laabe zabiguétaluʼ ra nuube para guicábiluʼ sti guendarinabadiidxaʼ zeeda luni.
Laguuyaʼ: Demostración riʼ naquiiñeʼ gácani lu guendaridagulisaa raca ante chigucheechetu diidxaʼ 6 stiʼ julio.
Torre sti’ ni rapa 1 stiʼ julio
«Stale de ca binni ni rinínedu nápacaʼ religión sticaʼ. Peru xcaadxi nacaʼ qué runi creca ca religión ca. Xi riníʼ íqueluʼ de laani yaʼ [guleza guicábibe]. Jesús gudxi laanu xi naquiiñeʼ gúninu ora guiduʼyaʼ chaahuinu ca religión ca [biindaʼ Lucas 6:44a]. Revista riʼ cusiéneni caadxi cosa cadi galán rusihuinni ca religión ca ne ricabi ni guendarinabadiidxaʼ riʼ: “Ñee nuu ti religión ni zanda guni crenu la?”.»
¡Despertad! julio
«Canagánnadu ca vecinu stidu para guinínedu laacaʼ de xiixa ni nabé riguu xizaa binni ne laani nga nuu stale tu qué runi ni jneza. Casi lii maca nannuʼ, nuu binni riree lu calle para guiníʼ maʼ cadi chuʼ binni ni guni ni cadi jneza. Ñee raʼbuʼ zuni chaahuiʼ binni guendanagana ca ora gúnicaʼ zacá la? [Guleza guicábibe.] Biblia ruzeeteʼ tuu laa nga zanda guni chaahuiʼ guendanagana ca [biindaʼ Mateo 6:9, 10]. Revista riʼ zacabi guendarinabadiidxaʼ riʼ: “Ñee ribeendú binni xiixa ora guiree lu calle para guiníʼ gaca chaahuiʼ xiixa la?”.»
Ca diidxaʼ sicarú ni zeeda de Dios
«Yannadxí rápadu gana gábinu lii caadxi diidxaʼ nabé galán ni zeeda lu Biblia. Stale binni rinabadiidxaʼ xiñee rudii Dios lugar gacaná binni pa nadxiibe laacaʼ. Ñee raʼbuʼ guluube laanu ndaaniʼ Guidxilayú riʼ para gacananu la?». Guleza guicábibe ne despué guyé lu ndaa 5. Biindaʼ ne bisiene laabe primé ne guiropa párrafo stiʼ folletu riʼ neca textu ni nuu cursiva lu párrafo ca. Bisaanané laabe folletu ca ne guidxi laabe zabiguétaluʼ para guicábiluʼ guiropa guendarinabadiidxaʼ dieʼ nayaaseʼ ca.