Modo gucheecheluʼ diidxaʼ jma jneza: gudixhe chaahuiʼ modo guzulú guiníʼneluʼ binni
Xiñee risaca gúniluʼ ni. Pa qué chuulaʼdxiʼ binni modo guzulú guinínenu laa la? zándaca qué zaná gucaadiaga laanu ante guinínenu laa de Biblia. Nga runi, stale de cani rucheeche diidxaʼ nacaʼ modo guzulú guinínenu binni nga ni jma risaca. Nécapeʼ lu Xhiiñaʼ Reinu ni rúninu ne lu libru Razonamiento zeeda caadxi modo zanda guinínenu binni la? cadi guiráʼ diʼ biaje maca cá guiráʼ ni racaláʼdxinu guininu lúcani. Ne nécapeʼ nicá guiráʼ cani, zanda guchaa cani rucheeche diidxaʼ cani o guiníʼnecaʼ binni modo maca gudíxhecaʼ gúnicaʼ. Zucheechenu diidxaʼ jma jneza pa quixhe chaahuinu ximodo guzulú guinínenu binni ora guireecaʼ para gucaadiágacaʼ laanu, lugar de guininu ni zeeda si ndaaniʼ íquenu (Prov. 15:28).
Biʼniʼ stipa guʼnuʼ ndiʼ beeu riʼ:
Gulee tiempu ora maʼ cayuni adorarluʼ Dios né binnilídxiluʼ para quixheʼ chaahuitu ca diidxaʼ ni iquiiñetu para guzulutu guiníʼnetu binni ora chigucheechetu diidxaʼ ne guni ensayartu ni.
Ora gucheecheluʼ diidxaʼ né xcaadxi xpinni Cristu gudxi laacabe ximodo maca gudixhe íqueluʼ guzulú guiníʼneluʼ binni (Prov. 27:17). Pa gúʼyaluʼ huaxiéʼ galán cani cabeenduluʼ la? zanda guchaaluʼ ni.