Guininu ni dxandíʼ de Jesús né stale gana

Zucheechenu diidxaʼ né stale gana pa nánnanu gusiene chaahuinu ni dxandíʼ de Jesús. «Jesucristu nga ni naaze» fe stinu o laabe nga racanebe laanu gácani naguidxi (Efes. 2:20). Pa ñaca cadi pur laabe la? qué ñanda nicaanu guendanabani ni qué zaluxe (Hech. 4:12). Nga runi, naquiiñeʼ gusisácanu ni cayuni Jesús para gaca ni maʼ gudixhe ique Dios. Stale binni rucaacabe laacaʼ guni crecaʼ caadxi cosa de Jesús ni qué lica rusiidiʼ Biblia, zacá nga riguítecabe laacaʼ. Triste guininu ni, peru zándaca pur nga qué zacaa ca binni riʼ ca ndaayaʼ ni maʼ guníʼ Dios chigudii cani gapa fe Jesús. Pa riuuláʼdxinu guininu ni dxandíʼ né stale gana la? zucaani laanu gacanenu ca binni nayá ladxidóʼ guiziidicaʼ ni dxandíʼ de Jesús, tu nácabe para Jiobá ne ximodo racanebe laa gaca ni maʼ gudixhe ique guni. Yanna, ñee zaninu ni dxandíʼ de Jesús né stale gana tiempu raca Conmemoración la?