Referencia para Ni chigaca lu reunión Xhiiñaʼ Dios ne modo nabáninu
3-9 DE JUNIO
CA TESORO ZEEDA LU BIBLIA | GÁLATAS 4-6
«Ti historia ni napa significadu para laanu»
it-1-S yaza 65 párr. 1
Agar
Según apóstol Pablo, historia stiʼ Agar napa ni sti significadu, runi representarbe guidxi Israel, guidxi ni biuu tobi si né Jiobá pur mediu de pactu stiʼ Ley ni guca lu dani Sinaí, «ne ca ni gule lu pactu riʼ la? esclavu laacaʼ». Nabé nagana guca para guidxi riʼ guni cumplir pactu que purtiʼ binni ruchee laacaʼ. Ne pur pactu stiʼ Ley riʼ qué ñanda ñaca ca israelita ti guidxi libre, sínuque guca condenarcaʼ casi binni ni napa pecadu ni runi merecer gatiʼ, ne pur nga beeda gácacaʼ esclavu (Jn 8:34; Ro 8:1-3). Beeda gaca Jerusalén ni guyuu tiempu bibani Pablo que Agar, purtiʼ guidxi riʼ beeda gaca ni esclavu cásica ca xiiñiʼ ni ne pur nga laaca runi representar ni guidxi Israel ni guyuu dxiqué. Peru ca xpinni Cristu ni bibí pur espíritu santu nácacaʼ xiiñiʼ «Jerusalén ni nuu guibáʼ» ni zeeda gaca casi xheelaʼ Dios. Cásica Sara, gunaa libre, Jerusalén ni nuu guibáʼ riʼ qué huayuu ni casi esclavu, peru cásica guzananda Ismael Isaac, ca xiiñiʼ Jerusalén ni nuu casi esclavu que zazanándacaʼ ca «xiiñiʼ Jerusalén ni nuu guibáʼ» (cani biree de lu náʼ pecadu pur mediu de Jesús). Peru cásica bicaanácabe Agar ne xiiñiʼ, Jiobá laaca bicaanáʼ guidxi Israel que (Gál 4:21-31; laaca zanda gúʼndaluʼ Jn 8:31-40).
Gupa fe Reinu stiʼ Dios
11 Guca ni na pactu riʼ dxi guyuu cani za de Abrahán lu layú ni bizabiruaa Dios gudii laacaʼ, peru Stiidxaʼ Dios cusiene laaca zedané pactu riʼ ndaayaʼ para xcaadxi binni despué (Gál. 4:22-25). Biquiiñeʼ Jiobá apóstol Pablu para bisiene ximodo zaca ni na pactu riʼ despué, guniʼbe Cristu nga binni ni jma risaca ni za de Abrahán ne xcaadxi ni za de laa nga 144,000 xpinni Cristu ni bibí né espíritu santu (Gál. 3:16, 29; Apoc. 5:9, 10; 14:1, 4). Gunaa ni chigapa xiiñiʼ ca nga «Jerusalén [ni nuu] ibáʼ», o xquidxi Jiobá ni nuu guibáʼ ra nuu ca xiiñibe de espíritu (Gál. 4:26, 31). Casi gudxi Jiobá Abrahán, ni za de gunaa riʼ zedané stale ndaayaʼ para binni.
Guyúbinu ca perla ni gaʼchiʼ
w09-S 1/4 yaza 13
¿Ñee nannuʼ ni la?
¿Xiñee biquiiñeʼ Jesús diidxaʼ «Abba, Bixhozeʼ» ora biʼniʼ orar Jiobá?
Diidxaʼ arameu ʼabbáʼ zanda gaca traducir ni casi «bixhozeʼ». Lu ca guionna biaje riete diidxaʼ riʼ lu Stiidxaʼ Dios, siempre raca referir ni Jiobá, Bixhózenu ni nuu guibáʼ, ne ridxélanu diidxaʼ riʼ lu oración o plegaria. Peru ¿xiñee risaca nga gánnanu biquiiñeʼ Jesús diidxaʼ riʼ yaʼ?
Ti enciclopedia bisiene: «Tiempu bibani Jesús nabé nga biquiiñeʼ diidxaʼ ʼabbāʼ ne ca xcuidihuiiniʼ nga ni jma biquiiñeʼ ni para guiníʼnecaʼ bixhózecaʼ né cariñu, peru zaqueca né respetu» (The International Standard Bible Encyclopedia). Ndiʼ nga tobi de ca primé diidxaʼ ni riziidiʼ ti xcuidihuiiniʼ para guiniʼné bixhoze né stale cariñu. Ne biquiiñeʼ Jesús ni ti dxi especial. Nuube ndaaniʼ jardín stiʼ Getsemaní, caadxi hora ante gátibe que guníʼnebe Jiobá ne nabe: «Abba, Bixhozeʼ» (Marcos 14:36, TNM).
Enciclopedia que laaca bizeeteʼ: «Ndaaniʼ ca libru stiʼ ca judíu ni gucuá lu período grecorromano huaxiéʼ si riete diidxaʼ ʼabbāʼ para guiniʼnécabe Dios, purtiʼ cadi jneza biiyacabe diidxaʼ riʼ para guiniʼnécabe Dios purtiʼ casi ñaca qué runi respetárcabe laabe». Yanna ¿xi ndiʼ nuu libru riʼ gusiene yaʼ? «Ra biquiiñeʼ Jesús [...] diidxaʼ riʼ ora biʼniʼ orar, laaca bisihuinni ni pabiáʼ xhamígube Dios». Lu xhupa biaje zeeda diidxaʼ ʼabbāʼ lu Biblia, zeeda cani lu ca carta bicaa apóstol Pablo, ndiʼ rusihuinni laaca biquiiñeʼ ca primé xpinni Cristu diidxaʼ riʼ ora guníʼnecaʼ Dios (Romanos 8:15; Gálatas 4:6).
w10-S 1/11 yaza 15
¿Ñee nannuʼ ni la?
¿Xiñee guníʼ Pablo: «Cá caadxi marca lu cuerpu stinneʼ ni rusihuinni nacaʼ esclavu stiʼ Jesús»? (Gálatas 6:17, TNM).
▪ Para ca xpinni Cristu de primé siglu, ca diidxaʼ guníʼ Pablo que zándaca napa ni gadxé gadxé significadu. Guidúʼyanu ti ejemplu, dxiqué, biquiiñecabe ti guiibaʼ ndaʼ para gucaacabe marca ca prisioneru, cani ribaʼnaʼ ndaaniʼ templu ne ca esclavu ni gucalaʼdxiʼ nuxooñeʼ. Ne riaana marca que lu guidi ládicaʼ casi ti seña para guituílucaʼ.
Peru cadi guiráʼ diʼ ca marca que ruuyaʼ binni ni casi xiixa feu. Purtiʼ stale binni gupa marca lu guidi ladi para guluíʼ naca parte de xiixa tribu o religión. Ti libru bisiene: «Bicaa ca siriu seña yanni nacaʼ o ndaaniʼ yánnicaʼ para gusihuínnicaʼ runi adorarcaʼ dios Hadad ne Atargatis [...]. Ne cani runi adorar Dionisio bicaacaʼ marca stiʼ ti bandaga ni láʼ hiedra ládicaʼ» (Theological Dictionary of the New Testament).
Stale binni ni rusiene de Biblia riníʼ íquecaʼ guca referir Pablo ca marca ni cá ladi pur bininácabe laabe tiempu bíʼnibe xhiiñaʼ Dios casi misioneru (2 Corintios 11:23-27). Peru ra guniʼbe de ca «marca» ni rusihuinni nácabe xpinni Cristu, zándaca cadi caníʼ diʼ apóstol que de xiixa marca cá ladi, sínuque de modo nabani.
10-16 DE JUNIO
CA TESORO ZEEDA LU BIBLIA | EFESIOS 1-3
«Modo naguixhe chaahuiʼ Jiobá organización stiʼ»
it-2-S yaza 981 párr. 2
Secretu sagradu
Reinu stiʼ Mesías. Pablo bicaa de ti visión ni rusiene xi chiguihuinni lu secretu sagradu stiʼ Cristu. Lu Efesios 1:9-11, TNM bisiénebe Dios nga biluíʼ «secretu sagradu» de ni racalaʼdxiʼ ne ná: «Pur ni racaláʼdxibe la? gudíxhebe gatachaahuiʼ guiráʼ ca cosa ni nuu dxi guizaa tiempu stini, para gaca reunir guiráʼ cosa nezalú Cristu, ca cosa ni nuu guibáʼ ne ca cosa ni nuu lu guidxilayú. Zaca ni nezalube, purtiʼ nuunedu laabe tobi si ne laaca zacaadu herencia ni biʼniʼ prometer Dios. Ne dede ante gudíxhebe gaca ni zacá purtiʼ nga nga ni racaláʼdxibe ne purtiʼ runi cumplirbe guiráʼ ni riguixhe íquebe ne rúnibe ni modo racaláʼdxibe». Né ti gobiernu nga naca parte de «secretu sagradu» riʼ, laani nga Reinu ra runi mandar Mesías. Ne «ca cosa ni nuu guibáʼ» ni caníʼ Pablo nga, ca binni ni chicaa herencia de guni mandar lu Reinu ca né Cristu. Ne «ca cosa ni nuu lu guidxilayú» nga ca binni ni chiguni mandar Reinu ca lu Guidxilayú. Bisihuinni Jesús ca discípulo stiʼ naca Reinu riʼ parte de secretu sagradu que ora guníʼ: «Maʼ bidii Dios lugar guiénetu secretu sagradu stiʼ Reinu stiʼ Dios» (Mr 4:11, TNM).
w12 15/7 yaza 27, 28 párr. 3, 4
Rutagulisaa Jiobá familia stiʼ
3 Guiráʼ ni runi Jiobá riquiiñeʼ ni para gaca ni naguixhe íquebe. Nga runi, gudíxhebe guiráʼ ni naquiiñeʼ gaca ti guibani cani nuu guibáʼ ne cani nuu ndaaniʼ Guidxilayú casi ti familia si, ne zaca nga ora «ganda [...] xhi ni» (biindaʼ Efesios 1:8-10). Ne chupa modo nga chigaca dxiiñaʼ riʼ. Primé la? zuyúbibe guiráʼ cani cheʼ guibáʼ para chuʼné Cristu ne gápacabe laa casi Xaíque stícabe. Ne lu Pentecostés iza 33, bizulú Jiobá cutagulisaa ca binni ni chiguni mandarné Cristu guibáʼ (Hech. 2:1-4). Riquiiñeʼ Dios guendaguti stiʼ Cristu para guʼyaʼ laacabe casi binni runi ni jneza ni maʼ zanda guibani sin gati. Nga runi riéchecabe ora rudiicabe cuenta maʼ «xiiñi Dios» laacabe (Rom. 3:23, 24; 5:1; 8:15-17).
4 Guiropa la? zuyubi Jiobá ca binni ni chiguibani ndaaniʼ ti paraísu lu Guidxilayú riʼ, ne zuni mandar Reinu stiʼ Cristu laacabe. Guiráʼ ca binni ni ruzeeteʼ Apocalipsis nga primé ni chichuu ndaaniʼ Paraísu ca (Apo. 7:9, 13-17; 21:1-5). Ne lu ti mil iza chiguni mandar Cristu ziasa mil de millón de binni lade gueʼtuʼ para chuʼné laacabe (Apo. 20:12, 13). ¡Bixuiʼlú si xi guiráʼ zanda gúninu ora maʼ guiasa ca gueʼtuʼ ca para gusihuínninu pabiáʼ racaláʼdxinu chuʼnu tobi si! Ora maʼ biluxe ti mil iza riʼ, «irá ni nuu ndaani guidxilayú» zadíʼdicaʼ lu últimu guendanagana, ne cani qué gudxiideche Dios zacaabe laacaʼ casi xiiñibe ne zabánicaʼ ndaaniʼ Guidxilayú (Rom. 8:21; Apo. 20:7, 8).
Guyúbinu ca perla ni gaʼchiʼ
Cadi gúninu xiixa ni gucaa Dios gusaana de gusisaca laanu
15 Pa gúninu ni na Jiobá sin guireʼnu gana la? zacanenu xcaadxi binni para gusisaca Dios laacaʼ. Apóstol Pablu bicaa ra nuu ca xpinni Cristu ni guyuu Éfeso: «Cadi chuʼ tu triste ti cayacanaʼya pur laatu, sínuque laguieche purti zacá rihuinni pabiáʼ risaca tu» (Efes. 3:13). Xi gucalaʼdxiʼ Pablu niníʼ yaʼ. Xiñee rihuinni pabiáʼ risaca ca xpinni Cristu que pur ca guendanagana cadíʼdibe yaʼ. Purtiʼ cayacanebe ca bíʼchibe neca cayacanabe; zacá bisihuínnibe nezalú guiracaʼ jma risaca para laabe gúnibe ni na Dios. Pa ñaca niree Pablu gana ora gudiʼdiʼ ra nagana, cadi dxandíʼ nucaabe laacaʼ niníʼ íquecaʼ huaxiéʼ risaca chuʼbe gaxha de Jiobá, gucheechebe diidxaʼ ne qué risaca para laabe guiráʼ ni chigudii Jiobá laabe la? Cumu biʼniʼ huantar Pablu la? bisihuínnibe guizáʼ risaca cani bisiidiʼ Cristu ne biluiʼbe cadi pur gana si guiráʼ ni rúninu pur gácanu xpinni Cristu.
cl-S yaza 299 párr. 21
«Guiénenu pabiáʼ nadxii Cristu laanu»
21 Verbo griegu ni raca traducir «gunibiáʼ» riníʼ ni «gánnanu xiixa pur experiencia». Ora laanu rannaxhiinu binni casi biʼniʼ Cristu —ra gacanenu laacaʼ sin cuézanu guicaanu xiixa, gacanenu laacaʼ lu xiixa ni caquiiñecaʼ ne guni perdonarnu laacaʼ de guidubi ladxidoʼno—, randa riene chaahuinu ximodo runi sentirbe. Pur guiráʼ ni gúninu riʼ randa riénenu «pabiáʼ nadxii be laanu, neca [nánnanu] iruti qué zanda guiene chaahui pe pabiáʼ ni». Qué guiaandaʼ laanu, ora jma chinándanu ejemplu stiʼ Jesús, jma gaxha ziuʼnu de Dios ni nadxii laanu, Jiobá.
17-23 DE JUNIO
CA TESORO ZEEDA LU BIBLIA | EFESIOS 4-6
«Gácunu armadura ni rudii Dios laanu»
Joven cadi guiábaluʼ lu trampa stiʼ Binidxabaʼ
APÓSTOL Pablo guníʼ zeeda gaca ca xpinni Cristu casi ti soldadu, purtiʼ nuunu lu ti guerra espiritual. Enemigu stinu nga Binidxabaʼ ne ca demonio stiʼ. Neca qué randa ridúʼyanu laacabe, peru dxandíʼ nuucabe ne guizáʼ nánnacabe tíndecabe. Ruluíʼ qué zanda guni ganarnu laacabe, ne ruluíʼ jma nagana ni para ca joven. Peru ¿dxandíʼ nga nagana guni ganar ca joven ca ángel malu riʼ la? Coʼ. Purtiʼ stale joven cayuni ganarcaʼ laacabe. ¿Xiñee randa rúnicabe ndiʼ yaʼ? Purtiʼ cudii Jiobá poder laacabe. Ne cumu ruzuubacabe diidxaʼ la? rácucabe armadura o riquiiñecabe «irá ni ma bidii Dios» laacabe (biindaʼ Efesios 6:10-12).
w18.05 yaza 28, 29 párr. 4, 7, 10
Joven cadi guiábaluʼ lu trampa stiʼ Binidxabaʼ
4 Zacaca laanu, ora rizíʼdinu ni dxandíʼ ni zeeda lu Stiidxaʼ Dios rapa ni laanu para cadi guniná cani rusiidiʼ ca religión ni cadi dxandíʼ laanu (Juan 8:31, 32; 1 Juan 4:1). Pa qué gusaana de gannaxhiinu cani rusiidiʼ Stiidxaʼ Dios, qué zaca nagana para laanu guaanu coraza stinu o guibáninu modo ná ca norma stiʼ Dios (Sal. 111:7, 8; 1 Juan 5:3). Ne pa guiene chaahuinu cani rusiidiʼ Biblia la? zuni sentirnu seguru ora guni predicarnu cani rucaalú laanu (1 Ped. 3:15).
7 Coraza riʼ, biáʼsipeʼ laani nga runi representar ni ca norma stiʼ Dios, purtiʼ jneza ca norma riʼ ne rapa cani ladxidoʼno (Prov. 4:23). Cásica ti soldadu qué zuchaa coraza de guiibaʼ stiʼ pur ti coraza ni cadi galán la? laanu laaca qué zuchaʼnu ca norma stiʼ Jiobá para gúninu ni ná íquenu. Pa chinándanu ni ná si xquendabiaaninu qué zanda diʼ gápanu ladxidoʼno. (Prov. 3:5, 6). Nga runi, nabé risaca guidúʼyanu pa liibi chaahuiʼ coraza espiritual stinu, purtiʼ laani nga ni maʼ bidii Dios laanu para gapa ladxidoʼno.
10 Biquiiñeʼ ca soldadu romanu zapatu riʼ para checaʼ lu guerra, peru laanu, ca xpinni Cristu riquiiñenu ti zapatu simbólicu para guni predicarnu ca noticia galán ni riguixhedxí ladxidóʼ binni (Is. 52:7; Rom. 10:15). Peru neca zacá, riquiiñeʼ gácanu nadxibalú para guni predicarnu. Ti joven, ni napa gande iza láʼ Bo ná: «Dxiqué ridxibeʼ guneʼ predicar ca xcompañeruaʼ de ra scuela. Purtiʼ rituí luáʼ. Qué gannaʼ xiñee bineʼ sentir zaqué. Yanna guizáʼ maʼ riuuladxeʼ guneʼ predicar ca hombrehuiiniʼ ni biaʼca naa».
w18.05 yaza 29-31 párr. 13, 16, 20
Joven cadi guiábaluʼ lu trampa stiʼ Binidxabaʼ
13 Caadxi de ca «flecha ni cá gui» ni zanda gundaa Binidxabaʼ lii nga, gusiguii ne guiníʼ mal de Jiobá, zándaca gucaabe lii guiníʼ íqueluʼ qué rizaalaʼdxiʼ Jiobá lii ne cadi nadxii lii. Ti baʼdudxaapaʼ de 19 iza láʼ Ida guníʼ: «Nabé guníʼ iqueʼ zitu nuu Jiobá de naa ne qué naʼ gaca xhamiguaʼ laa». ¿Xi rúnibe para cadi guiníʼ íquebe zacá yaʼ? Laca laabe guniʼbe: «Ca reunión ca zeeda gaca cani casi ti inyección ni racané fe stinneʼ chuʼ naguidxi. Dxiqué la? qué rinaʼyaʼ guindisanaʼyaʼ para guneʼ comentar. Guníʼ iqueʼ guirutiʼ qué zusisaca ca comentariu stinneʼ. Peru yanna, maʼ racaʼ preparar ne runeʼ stipa pur guneʼ comentar chupa chonna biaje. Raca nagana para naa guneʼ ni, peru ora maʼ bineʼ comentar la? runeʼ sentir galán. Ne guizáʼ riguu ca hermanu gana naa. Guiráʼ biaje guiluxe reunión runeʼ sentir nadxii Jiobá naa».
16 Cásica bilá ca cascu que ique ca soldadu romanu que la? zacaca zulá esperanza stinu laanu, ne zapa ni xquendabiaaninu o cani riníʼ íquenu (1 Tes. 5:8; Prov. 3:21). Racané esperanza stinu laanu para cadi gusaana de guicá íquenu ca promesa ni maʼ biʼniʼ Dios ne cadi chuʼ xhaatanu xizaa de ca guendanagana stinu (Sal. 27: 1, 14; Hech. 24:15). Pa racaláʼdxinu gapa cascu espiritual o esperanza stinu laanu la? cadi guinaazesinu cascu ca lu nanu, sínuque naquiiñeʼ cuʼnu ni íquenu. Nga runi cadi naquiiñeʼ guiaandaʼ laanu esperanza ni nápanu ne chuʼnu seguru dxandíʼ zaca ni.
20 Bichaaga Pablo Stiidxaʼ Dios ti espada ni maʼ bidii Jiobá laanu. Nga runi, napa xidé iquiiñenu ni jneza ora guni defendernu ni runi crenu o para guchaʼnu modo riníʼ íquenu (2 Cor. 10:4, 5; 2 Tim. 2:15). ¿Ximodo zanda iquiiñeluʼ ni jneza yaʼ? Ti joven, ni napa 21 iza ni láʼ Sebastian, guníʼ: «Cada capítulo guundaʼ de lu Biblia rucaaʼ ti versículo stini. Cayuneʼ ti lista de ca textu ni jma riuuladxeʼ, purtiʼ zacá zanda guieneʼ jma ximodo riníʼ ique Jiobá». Daniel, joven bizéʼtenu lu párrafo 8 que guníʼ: «Ora guundaʼ Biblia ribiéʼ xi versículo zanda gacané ca binni ni runeʼ predicar. Ora ruuyacabe riuuláʼdxiluʼ gusiidiluʼ ni rusiidiʼ Biblia ne rúniluʼ stipa pur gacaneluʼ laacabe la? jma riuuláʼdxicabe gucaadiágacabe».
Guyúbinu ca perla ni gaʼchiʼ
it-2-S yaza 938 párr. 5
Ni nayá (Santidad)
Espíritu santu. Espíritu o stipa stiʼ Jiobá naca ni nayá ne santu ne riquiiñebeni jneza para ganda gúnibe propósitu stibe. Pur nga, lani «espíritu santu» (Sl 51:11; Lu 11:13; Ro 1:4; Ef 1:13). Ora cayuni espíritu santu ca dxiiñaʼ luguiáʼ ti binni, rucaa ni laabe gápabe ti vida nayá. Peru ora maʼ guibani binni ca modo ná ique ne guzulú guni cosa ni cadi jneza, riguube triste espíritu ca (Ef 4:30). Neca cadi ti binni nga espíritu ca, peru zanda cuʼnu ni triste ne laaca caguʼnu triste Jiobá, purtiʼ zeeda ni de laabe. Intiica cosa ni cadi jneza ni guni binni, rucueezaʼ ni dxiiñaʼ ni cayuni espíritu stiʼ Dios ca luguiáʼ (1Te 5:19) ne pa cadi gusaana binni de guni cosa malu, ziuu espíritu santu stiʼ Dios triste, ne pur nga zuuyaʼ Dios binni ni qué naʼ guzuubaʼ diidxaʼ ca casi enemigu stiʼ (Isa 63:10). Binni ni cuʼ triste espíritu santu dede zanda guni blasfemar en contra de laani, ti pecadu ni guníʼ Jesús qué zaca perdonar yanna nin lu guidxilayú cubi ni gueeda ca (Mt 12:31, 32; Mr 3:28-30; laaca zanda gúʼyaluʼ ESPÍRITU).
it-1-S yaza 255 párr. 5
Gachelú gapa jma (Avaricia)
Rihuinni ni pur cani runi. Ti binni ni rachelú gapa jma, ziuu hora zusihuinni xi deseu malu napa ndaaniʼ ladxidóʼ. Santiago, ti hombre bicaa Biblia, rabi laanu ora maʼ nadipaʼ peʼ deseu ni nuu ndaaniʼ ladxidóʼ binni guni, rucaani laa guni pecar (Snt 1:14, 15). Nga runi, ti binni ni rachelú gapa xiixa, rihuinni ni pur cani runi. Apóstol Pablo guníʼ guendarachelú gapa jma ca laca laani nga guni adorar binni bidóʼ (Ef 5:5). Ti binni ni rachelú gapa jma, reeda gaca ni rachelube ca casi dios stibe ne riguube cani primé lu xquendanabánibe, lugar de ñúnibe ni ná Dios ne ñuni adorarbe laa (Ro 1:24, 25).
24-30 DE JUNIO
CA TESORO ZEEDA LU BIBLIA | FILIPENSES 1-4
«Cadi chuʼ tu xizaa de gastiʼ»
Guirutiʼ riene ximodo riguixhedxí Dios ladxidoʼno
10 ¿Xi naquiiñeʼ gúninu para cadi chuʼnu xizaa ne quixhedxí Dios ladxidoʼno yaʼ? Ni gudxi Pablo ca xpinni Cristu de Filipos que rusiidiʼ ni laanu oración ca nga ti remediu para cadi chuʼ binni xizaa. Nga runi, guni orarnu cada biaje chuʼnu xizaa (biindaʼ 1 Pedro 5:6, 7). Ne gusihuínninu nápanu fe ora gúninu ni ne gápanu confianza rizaalaʼdxiʼ Jiobá laanu. Laaca naquiiñeʼ gudiʼnu xquíxepeʼ laabe pur ca ndaayaʼ ni rudiibe laanu. Ne zápanu jma confianza Jiobá ora guietenaláʼdxinu «zanda guni jma que biaʼ iníʼ ique nu inaba nu laa» (Efes. 3:20).
Guirutiʼ riene ximodo riguixhedxí Dios ladxidoʼno
7 ¿Xi guníʼ ique ca hermanu de Filipos ora bíʼndacaʼ carta biseendaʼ Pablo ra nuucaʼ yaʼ? Nanna dxíchinu bietenaláʼdxicabe xi bizaaca Pablo ne Silas, ne ra gucané Jiobá laacaʼ de ti modo cadi cabézacaʼ. ¿Xi nuu Pablo gusiidiʼ laacabe yaʼ? Cadi naquiiñeʼ chúʼcabe xizaa ne zaguixhedxí Dios ladxidóʼcabe pa guni orárcabe. Peru, cadi guiaandaʼ laanu guniʼbe «iruti zanda guiene ximodo» riguixhedxí Dios ladxidoʼno. ¿Xi riníʼ nga yaʼ? Nuu caadxi versión de Biblia rutiixhi ca diidxaʼ ca casi «jma que biaʼ ruxuíʼ lunu» ne «guirutiʼ zanda guiníʼ ique ximodo ni». Ni caníʼ Pablo nga jma sicarú modo riguixhedxí Dios ladxidoʼno que biaʼ ruxuíʼlunu. ¿Xi rusiidiʼ ndiʼ laanu yaʼ? Rizíʼdinu neca nuu tiru ruluíʼ qué zaca chaahuiʼ guendanagana stinu, peru Jiobá nanna zanda gaca chaahuiʼ ni. Ne laabe zanda gúnibe xiixa dede zadxagayaanu (biindaʼ 2 Pedro 2:9).
Guirutiʼ riene ximodo riguixhedxí Dios ladxidoʼno
16 ¿Xi ribeendunu ora riguixhedxí Dios ladxidoʼno yaʼ? Biblia ná: «Ma qué zadxibi ladxidóʼ to, ne zata dxí xquenda biaani tu, purti nuu né tu Cristu Jesús tobi si» (Filip. 4:7). Lu idioma ni gucuá Biblia, biquiiñeʼ ti diidxaʼ ni rusiene modo rapa ca soldadu que ca guidxi de tiempu que. Casi ca binni de guidxi Filipos la? rásicaʼ sin chuʼ xi guchiiñaʼ laacaʼ purtiʼ nánnacaʼ nuu tu cayapa guidxi que. Nga runi Stiidxa Dios Didxazá riquiiñeʼ diidxaʼ «ma qué zadxibi ladxidóʼ to». Zacaca nga ora riguixhedxí Dios ladxidoʼno, gastiʼ qué ruchiiñaʼ xquendabiaaninu ne ladxidoʼno. Nanna dxíchinu zapa Jiobá laanu ne racaláʼdxibe guibáninu galán (1 Ped. 5:10). Ra gánnanu ndiʼ zapa ni laanu. ¿Ximodo yaʼ? Ra cadi chuʼnu xizaa ne cadi guidxíbinu.
Guyúbinu ca perla ni gaʼchiʼ
it-2-S yaza 525 párr. 9
Ofrenda
Libación. Dxi biuu ca israelita lu layú ni bizabiruaa Dios gudii laacaʼ, ora bidiicaʼ ofrenda, laacaʼ bidiicaʼ ofrenda ni rábicabe libación (Nú 15:2, 5, 8-10). Libación que nga vinu (licor ni ruxhudxi) ni rixii lu altar (Nú 28:7, 14; bichaaga ni né Éx 30:9; Nú 15:10). Sicaríʼ bicaa apóstol Pablo ra nuu ca xpinni Cristu de Filipos: «Zeeda gacaʼ casi ti ofrenda de vinu ni rixii lu sacrificiu ne lu dxiiñaʼ ni maʼ bíʼnitu para Dios pur fe ni nápatu, nga runi riecheʼ». Biquiiñeʼ Pablo ejemplu riʼ para guiníʼ nuu listu para iquiiñeʼ guiráʼ stipa stiʼ para gacané guiráʼ ca xpinni Cristu (Flp 2:17, TNM). Ne dxi mayaca gátibe bicaabe ra nuu Timoteo: «Zeeda gacaʼ casi ti ofrenda de vinu ni rixii lu sacrificiu, ne maʼ zedadxiña dxi gateʼ» (2Ti 4:6, TNM).
Maʼ bizulú cayasa cani naquiiñeʼ guibani primeru
5 De racá la? zabani ca xpinni Cristu ni bibí ne espíritu santu, cani zeeda gácacaʼ «Israel stiʼ Dios» para guibaninecaʼ Jesucristu guibáʼ, ne ora maʼ nuucabe racá la? maʼ qué ziuu dxi guixélecabe de laabe (Gálatas 6:16; 1 Tesalonicenses 4:17). Laacabe nga ca gueʼtuʼ ni chiguibani primé (Filipenses 3:10, 11; Apocalipsis 20:6). Ora maʼ nuu guirácabe guibáʼ la? óraca nga maʼ guiasa guiráʼ ca binni ni chiguibani ndaaniʼ ti paraísu lu Guidxilayú riʼ sin qué chuʼ dxi gáticaʼ. Nga runi, pa nuunu lade ca binni ni cheʼ guibáʼ o lade ca binni ni chiguibani ndaaniʼ Guidxilayú riʼ la? naquiiñeʼ gánnanu tuu nga ca gueʼtuʼ ni chiguibani primé. Ximodo chiguiásabe ne padxí chigaca nga yaʼ.