Ximodo zanda gápanu esperanza lu iza 2024 | ¿Xi caníʼ Biblia de laani?

Nabé stale guendanagana ziuu lu iza 2024 ne stale binni riníʼ ique qué zaca chaahuiʼ ca ni. Peru ni dxandíʼ la? nuu ti esperanza para laanu. ¿Paraa zanda guidxélanu ni yaʼ?

Rudii Biblia laanu esperanza

Lu Biblia cayuni prometer Dios laanu zabee guiráʼ guendanagana ni runiná laanu, ne rábini laanu maʼ cadi candaa zuni Dios xiixa pur guiráʼ binni, nani: «Zuchaabe nisa riete lucaʼ, maʼ qué ziuuruʼ guendaguti, maʼ guirutiʼ qué ziuu triste, maʼ guirutiʼ qué zuunaʼ ne maʼ qué ziuuruʼ yuubaʼ» (Apocalipsis 21:4).

• Pa racaláʼdxiluʼ gánnaluʼ jma de ca promesa ni riete lu Biblia, biindaʼ artículo ni láʼ «La esperanza real de un mañana mejor».

Ximodo zanda gacané Biblia laanu yanna

Zanda gacané esperanza ni rudii Biblia lii chuʼluʼ nayecheʼ ne cadi guireeluʼ gana (Romanos 15:13). Laaca rudii Biblia conseju ni zanda gacané lii gudxiiluluʼ ca guendanagana ni cadíʼdiluʼ yanna, casi guendapobre, injusticia o xiixa guendahuará.

• Biiyaʼ ximodo gucané esperanza ni zeeda lu Biblia ti hombre para chuʼ nayecheʼ ne gapa paz neca biniisi ndaaniʼ ti familia pobre. Biiyaʼ videu ni láʼ Juan Pablo Zermeño: Gucané Jehová naa guibaneʼ nayecheʼ.

• Biiyaʼ ximodo zanda gacané Biblia lii pa guti tuuxa ni nadxiiluʼ, pa riníʼ íqueluʼ náparouʼ donda pur xiixa ni bíʼniluʼ dxiqué, pa nuuluʼ triste o pa nápaluʼ ansiedad. Biindaʼ artículo ni láʼ «¿Puedo encontrar consuelo en la Biblia?».

• Biiyaʼ ximodo bidxela ti gunaa ni guyuu lu Ejércitu esperanza lu Biblia. Guniʼbe dxiqué gúcabe ti gunaa ni naguidxi ladxidóʼ ne qué lica ruxídxibe. Biiyaʼ videu ni láʼ «Pur Biblia bisaanaʼ ejércitu».

¿Racaláʼdxiluʼ guibanineluʼ familia stiluʼ nayecheʼ lu iza 2024 riʼ la? Zanda gacané Biblia lii. Cayuni invitardu lii gúʼyaluʼ modo ridúʼndanedu binni Biblia ne biiyaʼ ximodo zanda gudii Dios lii «paz, [...] ti futuro ne ti esperanza» (Jeremías 29:11).