Ladu bigaʼ: Marek M. Berezowski/Anadolu Agency via Getty Images; bottom left: Halfpoint Images/Moment via Getty Images; center: Zhai Yujia/China News Service/VCG via Getty Images; ladu derechu: Ismail Sen/Anadolu Agency via Getty Images; bottom right: E+/taseffski/via Getty Images
¡GATANANU!
2023: Ti iza ni bedané stale yuuba’ | ¿Xi caní’ Biblia de laani?
Guirá guendanagana ni bizaaca lu guidubi Guidxilayú riʼ lu iza 2023 culuíʼ ca ni maʼ nabáninu lu tiempu ni ruzeeteʼ Biblia casi «ca últimu dxi» (2 Timoteo 3:1). Ne maʼ cadúʼyanu cazaaca ni ruzeeteʼ Biblia lu ca dxi nabáninu riʼ. Guidúʼyanu caadxi ejemplu.
Ni riníʼ Biblia ne ca ni cazaaca lu guidxilayú riʼ
«Guerra né noticia de guerra» (Mateo 24:6).
«Maʼ bidale stale guendaquéiquiiñe’ lu guidubi Guidxilayú ri’».a
Biindaʼ artículo ni lá’ «¿Tu gapa’ ca binni ni nabeza ra cayaca guerra ya’?» ne «Runiti ca gobiernu ca jma de chupa mil millón de dólar luguiáʼ ca ejércitu sticaʼ».
«Xu ro’ ti lugar ne sti lugar» (Marcos 13:8).
«Dede ra bizulunu lu iza 2023 hasta nagasi maʼ guca lu guidubi naca Guidxilayú ri’ 13 xu ro’, nuucani de magnitud 7 o jma nadipaʼ. Ne qué huayuu dxi guihuinni gaca stale ni casi yanna».b
Biinda’ artículo ni lá’ «Terremotos devastadores en Turquía y Siria».
«Cosa ni guchibi binni» (Lucas 21:11).
«Ma cadi nuunu tiempu ra nandáʼ Guidxilayú. Ma nuunu tiempu ra candaabiʼ Guidxilayú»(António Guterres, secretario general sti’ Naciones Unidas).c
Biinda’ artículo ni lá’ «Lu iza 2023 ri’ nabé nandáʼ huayaca lu guidubi Guidxilayú.”
«Hambre» (Mateo 24:7).
«2023: Ti iza ra bi’ni’ binni stale dxiiñaʼ para biyaanaʼ familia sti’».d
Biindaʼ artículo ni láʼ «La guerra y el cambio climático empeoran la crisis alimentaria mundial».
«Jma nagana zaca tiempu ne nadipaʼ zaca para binni guni huantar» (2 Timoteo 3:1).
«De cada xhono binni lu guidubi guidxilayú nuu tobi ni cayuniná xiixa guendahuará lu xquendabiaaniʼ».e
Biindaʼ artículo ni láʼ «El alarmante deterioro de la salud mental de los adolescentes».
¿Xi cabézanu guizaaca lu iza 2024?
Guirutiʼ ganna xi guizaaca lu iza zeeda ca. Peru pur ni cazaaca lu guidubi naca Guidxilayú culuíʼ ca ni maʼ cadi candaa zabee Reinu stiʼ Dios —gobiernu stiʼ Dios ni nuu guibáʼ— ca gobiernu ni nuu lu guidxilayú ne zabeeni guirá yuubaʼ stinu ne maʼ guirútiruʼ tu zacaná (Daniel 2:44; Apocalipsis 21:4).
Laga cabézanu, zanda guinábanu Dios gacané laanu pa nuunu xizaa. Biblia ná:
«Ora cadxibeʼ, rapaʼ confianza lii» (Salmo 56:3).
¿Ximodo zanda guluinu nápanu confianza Dios? Runi invitardu lii gannuʼ de ca promesa sti’ Biblia ra ná maʼ que ziuuruʼ yuubaʼ. Gunabaʼguʼndanécabe lii Biblia para guiziidiluʼ jma de ca promesa stiʼ Dios ne gacaneni lii ne familia stiluʼ.
a Foreign Affairs, “A World at War: What Is Behind the Global Explosion of Violent Conflict?” (Un mundo en guerra: ¿Qué hay detrás de la explosión mundial de conflictos violentos?), Emma Beals y Peter Salisbury; 30 de octubre de 2023.
b Noticias de terremotos, «2023: La cantidad de grandes terremotos pronto batirá récords»; mayo de 2023.
c Naciones Unidas, “Secretary-General’s Opening Remarks at Press Conference on Climate” (comentarios del secretario general sobre el clima en una rueda de prensa); 27 de julio de 2023.
d Programa Mundial de Alimentos, «Una crisis alimentaria mundial».
e Organización Mundial de la Salud, “Día Mundial de la Salud Mental”; 10 de octubre de 2023.