¿Xi racalaʼdxiʼ Dios guneʼ?

Ni ricabi Biblia

Ni racalaʼdxiʼ Dios nga gunibiaʼnu laabe, gaca xhamígunu ne gannaxhiinu laabe, ne gúninu ni nabe de guidubi ladxidoʼno (Mateo 22:37, 38; Santiago 4:8). Zanda gúninu ni ná Dios pa guidúʼndanu de xquendanabani Jesús, ra gúninu ni, zánnanu bisiidiʼ Jesús binni xi racalaʼdxiʼ Dios gúnicaʼ ne laaca zánnanu bíʼnibe ni na Dios (Juan 7:16, 17). Ne Jesús peʼ guníʼ xi para beeda lu Guidxilayú, sicaríʼ guniʼbe: «Bieteʼ de guibáʼ [...] para guneʼ ni racalaʼdxiʼ ni biseendaʼ naa» (Juan 6:38).

¿Ñee caquiiñeʼ peʼ guluíʼ Dios naa ti visión para gannaʼ xi racaláʼdxibe guneʼ la?

Coʼ, purtiʼ riquiiñeʼ Dios Biblia para gabi binni xi racaláʼdxibe gúnicaʼ. Lu Biblia ridxélanu guiráʼ ni caquiiñenu para gúninu «intiica si dxiiñaʼ galán» (2 Timoteo 3:16, 17). Racalaʼdxiʼ Dios guidúʼndanu Biblia para gánnanu xi racaláʼdxibe gúninu ne laaca nápabe gana iquiiñenu xquendabiaaninu para gúninu ni nabe (Romanos 12:1, 2; Efesios 5:17).

¿Ñee zanda guneʼ ni ná Dios la?

Zanda, purtiʼ riquiiñeʼ Dios Stiidxaʼ para «gúninu ni ná ca mandamientu stiʼ» (1 Juan 5:3). Peru para gúninu ni ná Dios, caquiiñeʼ gúninu stale stipa. Jesús guníʼ: «¡Dichoso nga ca ni rucaadiaga stiidxaʼ Dios ne rúnicaʼ ni ná ni!» (Lucas 11:28).