¿Ñee biquiiñeʼ Dios evolución para bizáʼ guiráʼ ni nuu la?

Ni ricabi Biblia

Coʼ. Biblia ná bizáʼ Dios binni ne laaca bizaʼbe guiráʼ ni nabani,a casi maniʼ ne yaga de gadxé gadxé tipu (Génesis 1:12, 21, 25, 27; Apocalipsis 4:11). Peru Biblia rusiidiʼ zá nu de Adán ne Eva (Génesis 3:20; 4:1). Qué ruzeeteʼ Biblia biquiiñeʼ Dios evolución teística para guzáʼ guiráʼ tipu guendanabani. Biblia ná galán ni maʼ bi’ni’ investigar ca científicu purtiʼ maʼ bidiicaʼ cuenta bizáʼ Dios guiráʼ tipu guendanabani.b

• ¿Xi runi cré caadxi binni?

• ¿Ñee biaʼsi nga ni rusiidiʼ evolución né ni rusiidiʼ Biblia la?

• ¿Ñee tisi randa riaa cani nabani xiixa lugar riní’ ni nuu evolución la?

¿Xi runi cré caadxi binni?

Stale binni runi cré evolución teística. Ti Encyclopædia Britannica ná biquiiñeʼ Dios guiráʼ ni nuu ndaaniʼ Guidxilayú riʼ para bizáʼ guiráʼ ni nabani.

Xcaadxi cosa ni rusiidiʼ evolución teística:

• Guiráʼ ni nabani zácani de ni maca nuu dxiqué.

• Guiráʼ ni nabani zanda guchaani dede ra gácani gadxé cosa ne ndiʼ nga ni runibiáʼcabe casi macroevolución.

• Riníʼcabe gudixhe Dios guchaa guiráʼ tipu de guendanabani.

¿Ñee biaʼsi nga ni rusiidiʼ evolución né ni rusiidiʼ Biblia la?

Pa ñaca dxandíʼ ni rusiidiʼ evolución teística, maʼ cadi biaʼsi ñaca ni ruzeeteʼ libru stiʼ Génesis peru Jesús guníʼ dxandíʼ bizáʼ Dios guiráʼ ni nabani (Génesis 1:26, 27; 2:18-24; Mateo 19:4-6). Biblia ná ante gueeda Jesús ndaaniʼ Guidxilayú riʼ guleza guibáʼ ra nuu Dios ne gucanebe laa chá «guiráʼ cosa» (Juan 1:3). Nga runi qué niquiiñeʼ Dios evolución para guzáʼ guiráʼ ni nabani purtiʼ cadi nga nga ni rusiidiʼ Biblia.

¿Ñee tisi randa riaa cani nabani xiixa lugar riníʼ ni nuu evolución la?

Qué ruzeeteʼ diʼ Biblia panda biaje zanda guchaa guiráʼ ca ni nabani, peru Biblia ruzeeteʼ zanda guiaa maniʼ ne yaga guibánicaʼ gadxé gadxé lugar. Nuu binni runi cré nga nga evolución peru cadi zacá diʼ ni purtiʼ qué riáʼ sti tipu guendanabani.