Biʼniʼ sentir ni cayuni sentir binni

Ni biʼniʼ Jesús

VIDEU: Biá Jesús stale binni

1. Biiyaʼ VIDEU RIʼ o biindaʼ Marcos 6:​30-34. Despué guníʼ ique ni ná ca pregunta riʼ:

1. ¿Xiñee racalaʼdxiʼ Jesús ne ca apóstol stiʼ checaʼ «ti lugar zitu ra ganda» chuʼcaʼ stúbicaʼ?

2. ¿Xi bicaa Jesús guni predicar ca binni que?

¿Xi rusiidiʼ ejemplu stiʼ Jesús laanu?

2. Ora runi sentirnu ni cayuni sentir binni, rizaaláʼdxinu laacaʼ ne cadi rininésinu laacaʼ de mensaje ni zinenu.

Yenanda ejemplu stiʼ Jesús

3. Bicaadiaga chaahuiʼ. Bidii lugar guiníʼ binni ca ne cadi gucueezaluʼ laabe. Pa cayábibe lii ximodo cayuni sentirbe ne xi naguu xizaa laabe, bicaadiaga chaahuiʼ laabe. Purtiʼ pa gúniluʼ ni la? zudii binni ca cuenta dxandíʼ peʼ rizaaláʼdxiluʼ laa.

4. Guníʼ ique xi caquiiñeʼ binni ca. Bietenalaʼdxiʼ de ni guníʼneluʼ laabe ne guníʼ ique:

1. «¿Xiñee naquiiñeʼ guiziidibe ni rusiidiʼ Biblia?».

2. «Pa guni estudiarbe Biblia, ¿ximodo zacané ni laabe yanna ne despué?».

5. Biquiiñeʼ información ni zacané binni ca. Gudxi laabe pa guni estudiarbe Biblia la? zacané ni laabe ne zacabi ni ca pregunta ni nápabe.