Naquiiñeʼ chuʼnu tobi si para gúninu ni na Dios

DXI guca saa stiʼ Pentecostés lu iza 33 ndaaniʼ guidxi Jerusalén que, guyé ca judíu ne cani cadi judíu ni zeedacaʼ de guidxi Roma, ni riaana neza ra riaaziʼ gubidxa, ne ni zeeda de Partia, ni riaana neza rindani gubidxa. Guirácabe bidagulisaacabe para gucaadiágacabe ca discípulo stiʼ Jesucristu. Ne neca galileu ca discípulo que la? guniʼnécabe binni gadxé gadxé diidxaʼ. Ngue runi, guizáʼ bidxagayaa ca binni que laacabe ne guniʼcaʼ: «Cayuna diaga nu diidxa gule né pe nu. Xii ndi cayaca pue» (Hech. 2:8).

Óraque bizuhuaa apóstol Pedru para gusiene laacabe xiñee gunda guníʼ ca discípulo que gadxé gadxé diidxaʼ. Bisiene si Pedru laacabe que la? stale de laacabe guyuunisa (Hech. 2:41). Neca bidale ca xpinni Cristu que la? tobi si guyuucabe. Lucas, ti hombre ni bicaa Biblia guníʼ de laacabe: «Stale binni ma runi cre Dios, ne irá ca nuu ca tobi si» (Hech. 4:32).

Stale de cani guyuunisa que nuucaʼ guiaanarucaʼ Jerusalén para niziidicaʼ jma. Peru cadi zinécabe stale ni iquiiñecabe para guiaanacabe raqué xadxí. Ngue runi caadxi de ca xpinni Cristu bitoocaʼ ni nápacaʼ ne yenecaʼ bueltu que ra nuu ca apóstol. Ne ca apóstol que gudiizicaʼ ni lu ca xpinni Cristu ni caquiiñecaʼ ni (Hech. 2:42-47). ¡Zacá bisihuínnicabe guizáʼ nacháʼhuicabe ne nadxiicabe ca bíʼchicabe ne ca bizáʼnacabe!

Cani dxandíʼ xpinni Cristu rannaxhiicaʼ ca bíʼchicaʼ ne ca bizáʼnacaʼ. Yanna riʼ, guiráʼ ca xpinni Cristu «nuu ca tobi si» ora rúnicaʼ ni na Jiobá. Cada xpinni Cristu riquiiñeʼ tiempu stiʼ, stipa stiʼ ne guiráʼ cani napa para gucheechecaʼ stiidxaʼ Reinu stiʼ Dios (biiyaʼ cuadru ni láʼ «Modo zanda gudiʼnu»).

[Cuadru ni zeeda lu yazas 6]

Modo Zanda Gudiʼnu

BUELTU NI RUDIʼNU PARA DXIIÑAʼ RACA LU GUIDUBI GUIDXILAYÚ

Stale tu riguixhe pabiáʼ bueltu gusaba ndaaniʼ ca caja ra cá «Dxiiñaʼ raca lu guidubi Guidxilayú».

Guiráʼ beeu ruseendaʼ ca neza binni ridagulisaa bueltu ni rudiicabe ca Betel ni ruuyaʼ dxiiñaʼ raca xquídxicabe. Ca binni gacalaʼdxiʼ la? laaca zanda guseendaʼ bueltu raríʼ: Watchtower Bible and Tract Society of New York, Inc., Attention Treasurerʼs Office, 25 Columbia Heights, Brooklyn, New York 11201-2483, o Betel ni ruuyaʼ dxiiñaʼ raca xquídxicabe. Ca cheque ca naquiiñeʼ guseendacabe cani para «Watchtower». Laaca zanda gudiicabe bigaʼ o xcaadxi cosa risaca nápacabe, ne ora gúnicabe nga la? naquiiñeʼ guseendacabe ti carta huiiniʼ para gusiénecabe cusigáʼdecabe cani.

ZANDA GUININU XIMODO GUDIʼNU

Nuu sti modo ni láʼ fideicomiso para gudiʼnu bueltu Watch Tower Bible and Tract Society of Pennsylvania para iquiiñeni lu dxiiñaʼ ni raca lu guidubi Guidxilayú, ne zanda guicaanu bueltu ca ora guinábanu ni. Para gánnaluʼ jma la? guníʼ ra Tesorería (Treasurerʼs Office) lu teléfono (718) 560-7500 o bicaa lu dirección ni maʼ bizéʼtenu lu párrafo gudiʼdiʼ ca.

XCAADXI MODO ZANDA GUDIILUʼ BUELTU

Aparte de ni maʼ guninu ca la? nuu xcaadxi modo zanda gudiʼnu bueltu para gaca xhiiñaʼ Reinu lu guidubi naca Guidxilayú, casi cani zeeda raríʼ:

Seguro. Zanda gucaʼnu lá Watch Tower Bible and Tract Society of Pennsylvania para guiaanané seguro de vida stinu o plan de jubilación.

Cuenta bancaria. Zanda uguʼnu ca certificado stiʼ depósito, cuenta bancaria ne cuenta stinu pur guca jubilarnu ca lu ti fideicomiso ti ganda guicaa Watch Tower Bible and Tract Society of Pennsylvania bueltu. Laaca zanda guicaa «Watchtower» guiráʼ ca bueltu ni nuu lu ca cuenta ca ora gátinu, pa ca ley de xquídxinu gudii lugar gúninu zacá.

Acción ne bono. Zanda gusigáʼdenu acción ne bono Watch Tower Bible and Tract Society of Pennsylvania.

Inmuebles. Zanda gudiʼnu cani nápanu ni zanda guidoo casi yoo, ne gábinu laacabe xi zanda gúnicabe para guicaacabe ni o pa nabézanu ndaaniʼ yoo ca la? zanda cuézanu ndaanini dede dxi gátinu. Ante gudiʼnu xiixa yoo nápanu la? jma jneza guininu Betel.

Para ganda guicaanu xiixa bueltu cada iza. Zanda gudii binni bueltu o sti cosa risaca ni napa para ti corporación stiʼ ca testigu stiʼ Jiobá, peru cada iza biaʼ dxi guibani binni ca zanda guicaa ti ndaa bueltu. Ne qué zaguíxebe impuestu pa gudiibe bueltu casi guninu ca.

Testamentu ne fideicomisu. Zanda gudiʼnu xiixa ni nápanu casi layú Watch Tower Bible and Tract Society of Pennsylvania, ne nezalú ti notariu gudiʼnu testamentu stini. Ne pa gudiʼnu bueltu la? naquiiñeʼ gucaʼnu lá «Watchtower» beneficiariu lu ti fideicomiso. Ca fideicomiso ni rudiicabe xiixa religión la? zándaca maʼ qué zaguíxecabe impuestu stini.

Casi maʼ gúninu ra cá «xcaadxi modo zanda gudiiluʼ bueltu» ca la? cani gudii bueltu ca nga naquiiñeʼ quixhe ximodo gudii. Maʼ guyáʼ ti folletu huiiniʼ lu inglés ne diidxastiá ni láʼ Donaciones planificadas para favorecer el servicio del Reino en todo el mundo ni gacané cani racalaʼdxiʼ gudii bueltu para dxiiñaʼ stiʼ ca testigu stiʼ Jiobá ni raca lu guidubi naca Guidxilayú. Lu folletu ca zeeda xi guiráʼ modo zanda gudiicabe bueltu o ximodo gusigáʼdecabe xiixa risaca. Stale binni ora maʼ biluxe biindaʼ cani ne ora maʼ guniʼné abogadu o contador stiʼ la? óraca maʼ randa rudiicaʼ bueltu sticaʼ para gacanecaʼ gaca xhiiñaʼ Reinu lu guidubi naca Guidxilayú ne gacanecaʼ casi ra guniná ti xu ne zacá maʼ qué runi cobrar gobiernu laacaʼ impuestu. Zanda guinábatu folletu ca ra Oficina de Donaciones Planificadas (Charitable Planning Office).

Pa racaláʼdxiluʼ gánnaluʼ jma la? bicaa o guníʼ ra Oficina de Donaciones Planificadas, dirección ni zeeda xagueteʼ riʼ o guníʼ Betel ni ruuyaʼ dxiiñaʼ raca xquídxiluʼ.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Teléfono: (845) 306-0707