Ñee risaca para laanu gudiʼnu de guidubi ladxidoʼno la?

CA XPINNI Cristu de Filipos ni bibani dxiqué, nabé binibiáʼ binni laacaʼ purtiʼ riuuláʼdxicaʼ gudiicaʼ de ni nápacaʼ para gacanecaʼ ti ganda gaca adorar Jiobá. Lu ti carta ni bicaa apóstol Pablu, gudxi laacabe: «Cada guedasilú tu naa, nabé rudiee diuxquixe Dios, ne rieche ora inié nia laa pur laatu. Purti dede dxi bizulú bini cre tu qué huayaana dxí tu de acané tu naa ra canayué stiidxa Cristu» (Fili. 1:3-5). Zándaca bietenalaʼdxiʼ Pablu pabiáʼ nachaʼhuiʼ guca Lidia né laacabe, purtiʼ despué de guyuunísabe né ca binnilídxibe, gunábabe Pablu ne xcompañeru ni canagucheechené diidxaʼ, guiaanacaʼ ralídxibe (Hech. 16:14, 15).

Gudiʼdiʼ si tiempu, gupa xidé biaana Pablu stale semana né ca xpinni Cristu de Tesalónica, peru neza binni ridagulisaa ni nacubi bizulú Filipos —ni riaana biaʼ 160 kilómetru de raqué— biseendacaʼ ni caquiiñebe chupa biaje (Fili. 4:15, 16). Xhupa xhonna iza despué, gudiʼdiʼ ca xpinni Cristu de Filipos ra nagana ne zaqueca bizaaca né cani nuu xcaadxi lugar stiʼ Macedonia, purtiʼ nabé pobre biaanacaʼ. Neca zaqué, gucanécabe ca xpinni Cristu de Jerusalén dxi guzananda binni laacaʼ. Pablu peʼ guníʼ «bidii cabe de idubi ladxidóʼ cabe biaʼ gunda, ne dede ni qué gapa cabe». Dede guniʼbe: «Nabé ucuá cabe lú du udíʼ du lugar acané cabe» (2 Cor. 8:1-4; Rom. 15:26).

Gudiʼdiʼ si chii iza de guca ca binni de Filipos xpinni Cristu, riuuláʼdxirucaʼ gudiicaʼ de ni nápacaʼ. Ora gúnnacabe deguyoo Pablu Roma, biseendacabe Epafrodito chiné caadxi cosa ni caquiiñebe, laa gupa xidé guyé lu barcu ne guzá 1,300 kilómetru para yendá ra nuube. Rihuínnica nabé rapa ca binni de Filipos gana gacanecaʼ Pablu ti ganda gucheeche diidxaʼ ne guquidxi fe stiʼ ca xpinni Cristu, neca deguyoo (Fili. 1:12-14; 2:25-30; 4:18).

Yanna riʼ, cani dxandíʼ xpinni Cristu, nabé risaca para laacaʼ gacanecaʼ guireeche stiidxaʼ Reinu ne chuʼ jma binni ni gaca discípulo (Mat. 28:19, 20). Nga runi, rudiicabe tiempu, stipa ne xpuéltucabe para gácaruʼ xhiiñaʼ Reinu. Lu cuadru ni cá xagueteʼ riʼ zeeda caadxi modo zanda gacanenu para gaca dxiiñaʼ ni maʼ bisaana Dios gúninu.

[Cuadru ni zeeda lu yazas 22, 23]

Modo Zanda Gudiʼnu

BUELTU NI RUDIʼNU PARA DXIIÑAʼ RACA LU GUIDUBI NACA GUIDXILAYÚ

Stale tu riguixhe pabiáʼ bueltu gusaba ndaaniʼ ca caja ra cá «Dxiiñaʼ raca lu guidubi Guidxilayú».

Guiráʼ beeu ruseendaʼ ca neza binni ridagulisaa bueltu ni riaba ndaaniʼ ca caja ca Betel ni ruuyaʼ dxiiñaʼ raca xquídxicabe. Ca binni gacalaʼdxiʼ la? laaca zanda guseendaʼ bueltu Estados Unidos, dirección riʼ: Watchtower Bible and Tract Society of New York, Inc., Attention Treasurerʼs Office, 25 Columbia Heights, Brooklyn, New York 11201-2483, o guseendacabe ni Betel ni ruuyaʼ dxiiñaʼ raca xquídxicabe. (Xagueteʼ riʼ zeeda xcaadxi modo zanda gudii binni bueltu ne laaca zanda guseendacabe ni Betel ni nuu xquídxicabe.) Ca cheque ca naquiiñeʼ guseendacabe cani para «Watchtower» ne chécani dirección ni maʼ bizéʼtenu ca. Laaca zanda gudiicabe bigáʼ o xcaadxi cosa risaca nápacabe, ne ora gúnicabe nga la? naquiiñeʼ guseendacabe ti carta huiiniʼ para gusiénecabe cusigáʼdecabe cani.

ZANDA GUININU XIMODO GUDIʼNU

Nuu sti modo ni láʼ fideicomisu para gudiʼnu bueltu Watch Tower Bible and Tract Society of Pennsylvania para iquiiñeni lu dxiiñaʼ ni raca lu guidubi naca Guidxilayú, ne zanda guicaanu bueltu ca ora guinábanu ni. Para gánnaluʼ jma la? guníʼ ra Tesorería (Treasurerʼs Office) lu teléfono (718) 560-7500 o bicaa lu dirección ni maʼ bizéʼtenu lu párrafo gudiʼdiʼ ca.

XCAADXI MODO ZANDA GUDIILUʼ BUELTU

Aparte de ni maʼ guninu ca la? nuu xcaadxi modo zanda gudiʼnu bueltu para gaca xhiiñaʼ Reinu lu guidubi naca Guidxilayú, casi cani zeeda raríʼ:

Seguru. Zanda gucaʼnu lá Watch Tower Bible and Tract Society of Pennsylvania para guiaanané seguro de vida stinu o plan de jubilación.

Cuenta bancaria. Zanda uguʼnu ca certificadu stiʼ depósitu, cuenta bancaria ne cuenta stinu pur guca jubilarnu lu ti fideicomisu ne naquiiñeʼ gucaacabe ni para Watch Tower Bible and Tract Society of Pennsylvania o guséʼndanu bueltu lu cuenta ca ora gátinu, pa ca ley de xquídxinu gudii lugar gúninu zacá.

Acción ne bono. Zanda gusigáʼdenu acción ne bono Watch Tower Bible and Tract Society of Pennsylvania. Pa tuuxa racalaʼdxiʼ gucaa zudii acción ne bono stiʼ gati si la? laaca zanda gucaabe cheni ra maʼ bizéʼtenu ca.

Inmuebles. Zanda gudiʼnu cani nápanu ni zanda guidoo casi yoo, ne gábinu laacabe xi zanda gúnicabe para guicaacabe ni o pa nabézanu ndaaniʼ yoo ca la? zanda cuézanu ndaaniʼ ni dede dxi gátinu. Ante gudiʼnu xiixa yoo nápanu la? jma jneza guininu Betel.

Para ganda guicaanu xiixa bueltu cada iza. Zanda gudii binni bueltu o sti cosa risaca ni napa para ti corporación stiʼ ca testigu stiʼ Jiobá, peru cada iza biaʼ dxi guibani binni ca zanda guicaa ti ndaa bueltu (o binni ni cuibe guicaa ni). Ne qué zaguíxebe impuestu pa gudiibe bueltu casi guninu ca.

Testamentu ne fideicomisu. Zanda gudiʼnu xiixa ni nápanu casi layú o bueltu stinu Watch Tower Bible and Tract Society of Pennsylvania, ne nezalú ti notariu gudiʼnu testamentu stini o gucaʼnu laani nga beneficiariu lu ti fideicomisu. Ca fideicomisu ni rudiicabe xiixa religión la? zándaca maʼ qué zaguíxecabe impuestu stini.

Casi maʼ guninu ra cá «xcaadxi modo zanda gudiiluʼ bueltu» ca la? cani gudii bueltu ca nga naquiiñeʼ quixhe ximodo gudii. Maʼ guyáʼ ti folletu huiiniʼ lu inglés ne diidxastiá ni láʼ Donaciones planificadas para favorecer el servicio del Reino en todo el mundo ni gacané cani racalaʼdxiʼ gudii bueltu para dxiiñaʼ stiʼ ca testigu stiʼ Jiobá ni raca lu guidubi naca Guidxilayú. Lu folletu ca zeeda xi guiráʼ modo zanda gudiicabe bueltu o ximodo gusigáʼdecabe xiixa risaca. Stale binni ora maʼ biluxe biindaʼ cani ne ora maʼ guniʼné abogadu o contador stiʼ la? óraca maʼ randa rudiicaʼ bueltu sticaʼ para gacanecaʼ gaca xhiiñaʼ Reinu lu guidubi naca Guidxilayú ne gacanecaʼ casi ra guniná ti xu ne zacá maʼ qué runi cobrar gobiernu laacaʼ impuestu. Zanda guinábatu folletu ca ra Oficina de Donaciones Planificadas (Charitable Planning Office).

Pa racaláʼdxiluʼ gánnaluʼ jma la? bicaa o guníʼ ra Oficina de Donaciones Planificadas, dirección ni zeeda xagueteʼ riʼ o guníʼ ra nuu Betel ni ruuyaʼ dxiiñaʼ raca xquídxiluʼ.

[Textu ni zeeda lu yaza 23]

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Teléfono: (845) 306-0707