Rietenalaʼdxuʼ la?

Ñee biindaluʼ ca últimu tema ni bedané revista Torre stiʼ ni rapa la? Yanna biiyaʼ pa zanda guicábiluʼ ca guendarinabadiidxaʼ riʼ:

• Pa gati ti baʼduhuiiniʼ ante gale, ñee ziásabe de lade gueʼtuʼ la?

Xquendanabani binni ruzulú ora gacaxiiñiʼ jñaa laa. Jiobá napa poder para gusibani tuuxa neca nuube ndaaniʼ jñaabe o maʼ gúlebe ora gútibe, purtiʼ «gasti ni nagana para Dios» (Mar. 10:27). Peru Biblia qué riníʼ diʼ xi zuni Jiobá ne ca baʼduhuiiniʼ ni gati ante gale (15/4, yaza 12, 13).

• Xi rizíʼdinu de ca birí, ca damán, ca gusú ne ca geco.

Guidapaʼ manihuiiniʼ ca rusihuínnicame pabiáʼ nuu xpiaaniʼ Dios (Pro. 30:24-28) (15/4, yaza 16-19).

• Xiñee riníʼ Biblia jneza nga cadi guiníʼ binni gastiʼ.

Jneza nga cadi guiníʼ binni gastiʼ para guluíʼ napa respetu ne para gusihuinni runi ni jneza ne riene. Laaca racaneni laa guiníʼ ique jneza (Sal. 37:7; 63:6; Pro. 11:12) (15/5, yaza 3-5).

• Panda rey de Judá bíʼnicaʼ stipa pur guni adorarcaʼ Dios jneza ndaaniʼ lidxi.

Tapa de ca diecinueve rey ni biʼniʼ mandar Judá ni guyuu ladu gueteʼ stiʼ guidxi que bíʼnicaʼ stipa pur guni adorarcaʼ Dios jneza: Asá, Jehosafat, Ezequías ne Josías (15/6, yaza 7-11).

• Ñee guiráʼ ca xpinni Cristu ni bibí nga rudiicaʼ ni caquiiñeʼ ca xpinni Dios la?

Coʼ. Guiráʼ ca xpinni Cristu ni bibí nga nácacaʼ mozo ni nuu xpiaaniʼ ne ni runi jneza, peru cani nuu si lu Grupu ni Zaniruʼ ca nga rudiicaʼ ni caquiiñeʼ ca xpinni Dios (15/6, yaza 22-24).

• Xiñee gadxé modo guca Jesús de ca xaíque yuʼduʼ de dxiqué.

Purtiʼ ca xaíque yuʼduʼ de dxiqué qué ñannaxhiicaʼ Dios ne bíʼnicaʼ menu ca binni guidxi que. Peru Jesús bisihuinni dxandíʼ nadxii Bixhoze ne biá binni (Mat. 9:36). Laaca gúcabe nachaʼhuiʼ ne binni (15/7, yaza 15).