Maʼ nuu sti xpinni Cristu lade Grupu ni Zaniruʼ

Miércoles siadóʼ 5 stiʼ septiembre 2012, bidiicabe ti anunciu ra yoo Betel ni nuu Estados Unidos ne Canadá ra bieeteʼ maʼ nuu sti xpinni Cristu lade Grupu ni Zaniruʼ stiʼ ca Testigu stiʼ Jiobá, laabe nga Mark Sanderson, guyuube lade grupu ca 1 stiʼ septiembre.

Bixhózebe ne jñaabe xpinni Cristu laacaʼ ne bisiniisicaʼ laabe San Diego (California, Estados Unidos), ne guyuunisa Sanderson 9 stiʼ febrero 1975. Gúcabe precursor guidxi Saskatchewan (Canadá) 1 stiʼ septiembre iza 1983. Bilúxebe Scuela ra Riziidicabe Gúnicabe Xhiiñaʼ Dios (yanna lani Scuela ra Riziidiʼ ca Solteru gúnicaʼ xhiiñaʼ Dios) ni guca Estados Unidos, ne lu beeu abril iza 1991 biseendacabe laabe lu ti isla ni nuu Terranova (Canadá) casi precursor especial. Biquiiñecabe laabe para chebe lugar stiʼ binnigola ni riganna ca binni ridagulisaa dede dxi biʼniʼ invitárcabe laabe para chuʼbe Betel ni nuu Canadá, lu beeu febrero iza 1997. Lu beeu noviembre iza 2000 biʼniʼ invitárcabe laabe Betel ni nuu Estados Unidos, raqué bíʼnibe dxiiñaʼ ra Servicios de Información sobre Hospitales ne despué guyuube ra Departamento de Servicio.

Lu beeu septiembre iza 2008, guyé Sanderson Scuela para Grupu ni Ruuyaʼ Modo Raca Dxiiñaʼ Betel ne despué gulícabe laabe para chuʼbe lu Grupu ni Ruuyaʼ Modo Raca Dxiiñaʼ Betel ni nuu Filipinas. Laaca lu beeu septiembre, peru iza 2010 guca invitarbe guibiguétabe Estados Unidos, ra gucanebe Comité ni Ruuyaʼ Guireeche Diidxaʼ stiʼ Grupu ni Zaniruʼ.