CANI RINABADIIDXAʼ BINNI DE BIBLIA
Xi ribeendunu pur guti Jesús pur laanu
Dxi bizáʼ Dios binni bíʼnibe laacaʼ para guibánicaʼ sin qué ñuu dxi ñáticaʼ lu Guidxilayú, ne sin ñaca huaracaʼ. Peru qué nuzuubaʼ Adán, primé hombre, stiidxaʼ Dios ngue runi maʼ qué ñanda nibani casi modo gudíxhebe. Cumu guiranu xiiñiʼ Adán laanu la? guiranu rátinu purtiʼ nga nga ni bisaananebe laanu (Romanos 5:8, 12; 6:23). Jiobá, Dios ni dxandíʼ, biseendaʼ Xiiñiʼ lu Guidxilayú para beeda gati ne para gudxiguetaʼ ni biniti primé hombre que. (Biindaʼ Juan 3:16.)
Guti Jesús ti ganda guibáninu sin qué chuʼ dxi gátinu lu Guidxilayú. Ximodo ruxuíʼluluʼ ora maʼ guibani binni sin qué chuʼ dxi gatiʼ
Pur guendaguti stiʼ Jesús zanda gutiidilaʼdxiʼ Dios stóndanu ne laaca zanda guibáninu sin qué chuʼ dxi gátinu lu Guidxilayú. Biblia rusiene ximodo zabani binni ora maʼ qué guioʼxhoʼ, maʼ qué gaca huará ne maʼ qué gatiʼ. (Biindaʼ Isaías 25:8; 33:24 ne Apocalipsis 21:4, 5.)
Ximodo naquiiñeʼ guietenaláʼdxinu guendaguti stiʼ Jesús
Gueelaʼ ante gatiʼ Jesús gudxi ca discípulo stiʼ guietenaláʼdxicaʼ guendaguti stiʼ, ne cadi iquiiñecaʼ stale cosa ora gúnicaʼ ni. Ora guietenaláʼdxinu ni guiráʼ iza racaneni laanu guiníʼ íquenu pabiáʼ nadxii Jesús ne Jiobá laanu. (Biindaʼ Lucas 22:19, 20 ne 1 Juan 4:9, 10.)
Iza riʼ zietenaláʼdxidu guendaguti stiʼ Jesús lunes 14 stiʼ abril despué de guiaaziʼ Gubidxa. Cayuni invitardu lii cheluʼ dxi ca. Ca testigu stiʼ Jiobá ni nuu neza ra nabézaluʼ zábicaʼ lii paraa chigácani ne pora. (Biindaʼ Romanos 1:11, 12.)