CANI RINABADIIDXAʼ BINNI DE BIBLIA
Xiñee naquiiñeʼ guietenaláʼdxinu guendaguti stiʼ Jesús
Xi zanda cuézanu gudii dios laanu pur guendaguti stiʼ Jesús (Isaías 25:8; 33:24)
Guendaguti stiʼ Jesús nga ni jma risaca, purtiʼ zanda gacaneni guiráʼ binni gapa ni biniti dxiqué. Cadi bizáʼ diʼ Dios binni maca para guiníʼ ique cosa malu, para gaca huará ne para gatiʼ (Génesis 1:31). Peru pur Adán, primé hombre que nga biuu pecadu ndaaniʼ Guidxilayú. Bidii Jesús xquendanabani para gulá laanu de lu náʼ pecadu ne guendaguti. (Biindaʼ Mateo 20:28 ne Romanos 6:23.)
Bisihuinni Dios pabiáʼ nadxii laanu ora biseendaʼ Xiiñiʼ lu Guidxilayú para gatiʼ pur laanu (1 Juan 4:9, 10). Dxi biʼniʼ mandar Jesús ca discípulo stiʼ guietenaláʼdxicaʼ guendaguti stiʼ, gúdxibe laaca cadi iquiiñecaʼ stale cosa, peru zanda iquiiñecaʼ pan ne vinu. Ora guietenaláʼdxinu ni guiráʼ iza, rusihuínninu rudiʼnu xquíxepeʼ Dios ne Xiiñiʼ purtiʼ nadxiicaʼ laanu. (Biindaʼ Lucas 22:19, 20.)
Tu zanda gó pan ne gueʼ vinu
Primé biaje gudxi Jesús ca discípulo stiʼ guietenaláʼdxicaʼ guendaguti stiʼ, guníʼ de ti pactu (Mateo 26:26-28). Bixheleʼ pactu riʼ ti puertaʼ para gaca ca discípulo que rey ne sacerdote guibáʼ ra nuu Jesús, peru laaca ziuuruʼ xcaadxi binni. Lade guiráʼ millón binni guietenalaʼdxiʼ guendaguti stiʼ Jesús iza riʼ, cani nuu si lu pactu que nga cani zanda gó pan ne gueʼ vinu. (Biindaʼ Apocalipsis 5:10.)
Maʼ raca biaʼ chupa mil iza de cabí Jiobá ca binni chigaca rey né Xiiñiʼ (Lucas 12:32). Cadi stale diʼ ca binni riʼ pa guchaaganu laacaʼ né guiráʼ binni guibani lu Guidxilayú riʼ sin gatiʼ. (Biindaʼ Apocalipsis 7:4, 9, 17.)