Ni chitiidiʼ lu guendaridagulisaa de chupa gubidxa
Lu ca dxi «jma nagana» nabáninu riʼ la? caquiiñenu guendananna stálepeʼ stiʼ Jiobá ti icaanu ne gápanu fabor stibe (2 Tim 3:1). Laga cadiʼdiʼ guendaridagulisaa de chupa gubidxa stiʼ dxiiñaʼ 2005 ni láʼ: «Dejémonos guiar por la sabiduría de arriba» zacaneni laanu guicaanu stale conseju ni naquiiñeʼ gúninu ne zuguuni gana laanu (Sant. 3:7).
Primé simposio ni láʼ «Manifestemos en nuestra vida la sabiduría de arriba», zacaneni laanu guiénenu xii nga riníʼ ácanu nayá, nadóʼ, binni riene, ne chuʼnu listu para uzuubanu diidxaʼ. Despué, binnigola ni riganna ca binni ridagulisaa ca zusihuínnibe xhonna guenda ni rudii guendananna stálepeʼ stiʼ Dios. Binnigola ni riganna ca guendaridagulisaa roʼ (superitendente de distrito) ca, zunduuxebe primé dxi ca ra guluiʼbe ximodo cani runi xhiiñaʼ Cristu maʼ biziidicaʼ guiniʼcaʼ de guendananna stálepeʼ stiʼ Dios, nécaxa stale binni ruʼyaʼ laacabe casi binni ni «huaxhié napa scuela ne irutiʼ naca ca» (Hech. 4:13).
Lu guiropa gubidxa zadiʼdiʼ ti simposio ni láʼ «Sigamos tras las cosas que edifican», laani la? zacaneni laanu gánnanu ucaananu cani zándaca cueechu laanu de lu Stiidxaʼ Dios. Laaca zazíʼdinu ximodo zanda uguunu gana ca binni ni ridagulisaanenu, ne ora maʼ ziucheechenu diidxaʼ o ndaaniʼ lídxinu. Libana para iráʼ binni «Cómo nos beneficia la sabiduría divina» zacaneni laanu usiniisinu guendarusisaca ne guendarudii xquíxepeʼ pur iráʼ ni ribeendunu ora rúninu iráʼ ni rizíʼdinu. Últimu libana ni láʼ «Actuar de acuerdo con la sabiduría divina nos proteje» zacaneni laanu idxíñanu Jiobá ne uyúbinu guendananna stálepeʼ stibe lu ca últimu dxi riʼ.
Ni jma rihuinni lu ca guendaridagulisaa roʼ ca nga ora chúʼnisa cani nacubi. Luni laaca zadiʼdiʼ Scuela stiʼ cani Rucheeche Diidxaʼ ne zadúʼndanu rebista La Atalaya ni chiguiuunda semana ca. Jiobá racalaʼdxiʼ de que iranu cueendunu de guendananna ni cudiibe laanu riʼ. Ca conseju ne guendanayecheʼ ni cabeza laanu lu guendaridagulisaa de chupa gubidxa ca la? zuni cani laanu ricu lu stiidxaʼ Dios (Pro. 3:13-18).