Cani chiguietenaláʼdxinu stiʼ guedaridagulisaa de chupa gubidxa
Guiʼchiʼ riʼ zaquiiñenu ni para gánnanu ne guietenaláʼdxinu ni chitiidiʼ lu guendaridagulisaa de chupa gubidxa lu iza stiʼ dxiiñaʼ 2005. Para nga la? naquiiñeʼ chinándanu cani cá lu guiʼchiʼ ni láʼ: «Ti modo cubi para guietenaláʼdxinu ni chiguieeteʼ lu ca guendaridagulisaa roʼ», ni zeeda lu yaza 4 stiʼ guiʼchiʼ ni rizaané Xhiiñaʼ Reinu ni Rúninu. Biquiiñeʼ chaahuiʼ xtiémpuluʼ ti ganda inabadiidxaluʼ guiráʼ ni zeeda luni. Laani naquiiñeʼ usihuínnini xi naquiiñeʼ gúninu.
NDAA STIʼ SIADÓʼ PRIMÉ DXI
1. Xi zacané laanu ti ganda gápanu guendananna stálepeʼ stiʼ Dios.
2. Ximodo huayuni ca bíchinu ne ca bizánanu stiʼ ca binni ridagulisaa ti ganda gucheechecaʼ ca diidxaʼ nacubi ne galán stiʼ Dios.
NDAA STIʼ HUADXÍ PRIMÉ DXI
3. Xiñee nabé naquiiñeʼ aca xquendabiaaniʼ ne ladxidóʼ cani zinanda Cristu ca nayá, ne xi zanda gúninu ti ácani zacá.
4. Ximodo zanda ácanu nadóʼ ne ca bíchinu ne bizánanu.
5. Xi riníʼ ácanu binni ni riene, ne ximodo rusihuínninu clase binni ca laanu ora iquiiñenu xtiémpunu.
6. Xi rizíʼdinu de modo biʼniʼ Saúl ne Noé. Ximodo rusihuínninu de que nuunu listu para guzuubanu diidxaʼ.
7. Ximodo zanda ucueeza ca xpinni Cristu de gúnicaʼ ni na Dios ne gúnicacaʼ ni runi binni ni qué ruundaʼ Biblia.
8. Ximodo zanda gúninu casi biʼniʼ Pablu ora ininu de guendananna stálepeʼ stiʼ Dios.
NDAA STIʼ SIADÓʼ GUIROPA GUBIDXA
9. Xiñee naquiiñeʼ gápanu cuidadu ora cuinu ni quixhe íquenu gúninu, ne xi zanda acané laanu gúninu ni.
10. Ximodo huayuni ca bíchinu ne bizánanu stiʼ ca neza binni ridagulisaa ti cadi guiaadxacaʼ ca guendaridagulisaa ca, ne xi huabeendúcabe ora gúnicabe ni.
11. Ximodo zanda guni cani naca xaíque ndaaniʼ ti yoo ti ganda acanecaʼ binnilídxicaʼ iniisi lu Stiidxaʼ Dios.
12. Xi caquiiñeʼ ca neza binni ridagulisaa stinu.
NDAA STIʼ HUADXÍ GUIROPA GUBIDXA
13. Casi bieeteʼ lu libana para guiráʼ binni (discurso público) ni gudiʼdiʼ que, xii nga cani jneza ni rudii guendananna ni zeeda de guiaʼ.
14. Xiñee cadi guendanuuxpiaaniʼ nga chinándanu modo na íquenu o modo na ique xtuudxi ni qué náʼ chinanda guendananna stálepeʼ stiʼ Dios. Xi lú nga naquiiñeʼ gatananu.
15. Xi guiráʼ ndiʼ ca trampa ni rulá guendananna stálepeʼ stiʼ Dios laanu.
16. Xiñee naquiiñeʼ gúninu guiráʼ ni bieeteʼ lu guendaridagulisaa de chupa gubidxa que.