Ti modo cubi para guietenaláʼdxinu ni chiguieeteʼ lu ca guendaridagulisaa roʼ
Laga zeʼ dxi jma qué iquiiñeʼ cayaca guidxilayú stiʼ Binidxabaʼ riʼ la? Jiobá cudii stipa laanu para «usaana nu irá ni bini nu dxi caʼru gunibiáʼ nu laabe, ne irá ni riulaʼdxi binni guidxilayú guni, ti ma cadi ibani nu ndaani guidxilayú ri modo na ique nu, sínuque modo riulaʼdxi be» (Tito 2:12). Tobi de cani cudii Jiobá laanu pur «mozo ni nuu xpiaani ne ni runi jneza» nga cani ridiʼdiʼ guiráʼ iza lu ca guendaridagulisaa de chupa gubidxa ne lu dxi bibí para guidagulisaanu (Mat. 24:45). ¡Guizáʼ rudii ca guendaridagulisaa riʼ stipa laanu njaʼ!
Para guiaananenu ne gúninu cani chiguizíʼdinu la? zinándanu ti modo cubi para guietenaláʼdxinu cani chitiidiʼ ca, zácani lu iza stiʼ dxiiñaʼ 2005. Cani zeeda lu yaza 5 ne 6 stiʼ guiʼchiʼ ni rizaané Xhiiñaʼ Reinu ni Rúninu riʼ la? culuíʼ ni dede ante cani chiguizíʼdinu ne ca guendarinabadiidxaʼ stiʼ cada libana. Ca binni ridagulisaa ca la? zuundacabe ni ante ne despué de ca guendaridagulisaa roʼ. Ximodo zaca ndiʼ yaʼ.
Tobi o chupa semana ante cheʼ ca neza binni ridagulisaa ca guendaridagulisaa de chupa gubidxa sticaʼ la? zadiʼdiʼ lu Guendaridagulisaa stiʼ Dxiiñaʼ Stinu ti libana de chii minutu ni láʼ «Ni chitiidi lu guendaridagulisaa de chupa gubidxa» ti ucaani binni cheʼ. Ni gutiidiʼ ndaa riʼ la? jma zaniʼbe de ca guendarinabadiidxaʼ ni chiguietenaláʼdxinu riʼ ne zuguube gana cani cucaadiaga para ucaacaʼ cani guieeteʼ ti chúʼcabe listu para icábicabe ora guiuundani tiidiʼ si guendaridagulisaa roʼ.
Chupa chonna semana despué de tiidiʼ guendaridagulisaa roʼ ca la? zaquiiñecabe 15 minutu stiʼ Guendaridagulisaa stiʼ Dxiiñaʼ Stinu para guiníʼcabe ni bieeteʼ lu primé dxi ca. Sti semana despué de laani zaquiiñecabe sti 15 minutu para guiníʼcabe ni bieeteʼ lu guiropa gubidxa ca. Lu guiropaʼ ndaa riʼ la? zaquiiñecabe ca guendarinabadiidxaʼ ni zeeda lu guiʼchiʼ ni rizaané Xhiiñaʼ Reinu ni Rúninu. Laani naquiiñeʼ usihuínnini xi naquiiñeʼ gúninu. Ca binnigola ca naquiiñeʼ cueecabe o quixhechaahuicabe ca ndaa stiʼ Guendaridagulisaa stiʼ Dxiiñaʼ Stinu ti ganda gutiidicabe ca ndaa ra canabadiidxaʼ ca.
Zacaca zaca ora tiidi stiʼ dxi bibí para guidagulisaanu, peru ndiʼ zadíʼdini ti biaje si de 15 minutu. Guiranu naquiiñeʼ gápanu guiʼchiʼ ni rizaané Xhiiñaʼ Reinu ni Rúninu riʼ ne iquiiñenu ni para cueendunu stale de cani galán cusiidiʼ Jiobá laanu (Isa. 48:17, 18).