Ni gánnanu ora guietenaláʼdxinu guendaguti stiʼ Jesús

Iza riʼ la? zietenaláʼdxinu guendaguti stiʼ Jesús jueves 24 stiʼ marzo. Ca binnigola naquiiñeʼ gúʼyacaʼ cani zeeda raríʼ:

◼ Ora quíxhetu pora ácani la? cadi guiaandaʼ laatu de que pan ne vinu ca zadiʼdiʼ cani despué de guiaaziʼ Gubidxa.

◼ Lagabi irácabe, ne ni chigudii libana ca, pora ne paraapeʼ nga chigaca ni.

◼ Lauguu listu pan ne vinu ni zanda iquiiñeʼ (laguuyaʼ La Atalaya 15 stiʼ febrero 2003, yaza 14, 15).

◼ Dede ante laquixhe chaahuiʼ ca bladuʼ ne ca copa ca lu ti mexaʼ ni galán ne cuáquitu ti lari luni.

◼ Guia chaahuiʼ dede ante ndaaniʼ Yoo stiʼ Reinu o ra chigúnitu ni.

◼ Lauyubi dede ante cani idxagalú ne ucuí binni ne tu caʼ vinu ne tu quixhe pan ndaaniʼ bladuʼ, ne lausiene laacabe xii nga xhiiñacabe, ximodo naquiiñeʼ gúnicabe ni ne xiñee nga naquiiñeʼ cuáquicabe lari jneza dxi ca.

◼ Laquíxheca ximodo gúnitu para udiitu pan ne vinu cani bibí (ungidos) ni qué ganda checaʼ pur huaracaʼ.

◼ Pa jma de ti neza binni ridagulisaa zaquiiñecaʼ ti Yoo si stiʼ Reinu la? laquixhe chaahuiʼ ca hora ca ti cadi aca montóncabe ra puertaʼ stini, nin lu banqueta stini ne nin ra ruzuhuaa carru.