Ni gánnanu ora guietenaláʼdxinu endaguti stiʼ Cristu

Iza riʼ zietenaláʼdxinu endaguti stiʼ Cristu miércoles 12 stiʼ abril. Ca binnigola naquiiñeʼ gúʼyacaʼ cani zeeda raríʼ:

◼ Ora quíxhetu pora ácani la? cadi guiaandaʼ laatu zadiʼdiʼ pan ne vinu ca despué de guiaaziʼ Gubidxa.

◼ Lagabi irácabe, ne ni chigudii libana ca, pora ne paraapeʼ nga chigaca ni.

◼ Lacuu listu pan ne vinu ni zanda iquiiñeʼ (laguuyaʼ La Atalaya 15 stiʼ febrero 2003, yaza 14, 15).

◼ Dede ante laquixhe ti lari lu mexaʼ ni iquiiñetu ne lauzuhuaa ca bladuʼ ne ca copa ca luni.

◼ Lagusiá chaahuiʼ dede ante ndaaniʼ Yoo stiʼ Reinu o ra chigúnitu ni.

◼ Lauyubi dede ante cani idxagalú ne ucuí binni ne tu utiidiʼ vinu ne pan, ne lausiene laacabe xii nga xhiiñacabe, ximodo naquiiñeʼ gúnicabe ni ne xiñee nga naquiiñeʼ ácucabe lari jneza dxi ca.

◼ Laquíxheca ximodo gúnitu para udiitu pan ne vinu cani bibí (ungidos) ni qué ganda checaʼ pur huaracaʼ.

◼ Pa jma de ti neza binni ridagulisaa zaquiiñecaʼ ti Yoo si stiʼ Reinu la? laquixhe chaahuiʼ ca hora ca ti cadi chuʼ stale binni ra puertaʼ stini ne ra ruzuhuaa carru.