Ni naquiiñeʼ gánnanu ante guietenaláʼdxinu guendaguti stiʼ Jesús
Iza riʼ zietenaláʼdxinu guendaguti stiʼ Jesús lunes 2 stiʼ abril. Ca binnigola naquiiñeʼ gúʼyacaʼ cani zeeda raríʼ:
◼ Ora quíxhetu pora gácani la? cadi guiaandaʼ laatu naquiiñeʼ tiidiʼ pan ne vinu ca guiaaziʼ si Gubidxa.
◼ Lagabi guiráʼ ni cheʼ guendaridagulisaa ca, ne ni chigudii libana ca, pora ne paraapeʼ nga chigaca ni.
◼ Lacuu listu pan ne vinu ni zanda iquiiñeʼ (laguuyaʼ La Atalaya 15 stiʼ febrero 2003, yaza 14, 15).
◼ Dede ante laquixhe ti lari lu mexaʼ ni iquiiñetu ne lauzuhuaa ca bladuʼ ne ca copa ca luni.
◼ Lagusiá chaahuiʼ dede ante ndaaniʼ Yoo stiʼ Reinu o ra chigúnitu ni.
◼ Laguyubi dede ante cani guidxagalú ne gucuí binni ne tu gutiidiʼ vinu ne pan, ne lagusiene laacabe xii nga xhiiñacabe, ximodo naquiiñeʼ gúnicabe ni ne xiñee naquiiñeʼ gácucabe lari jneza dxi ca.
◼ Laquíxheca ximodo gúnitu para gudiitu pan ne vinu cani bibí (ungidos) pa málasi gaca huaracaʼ ne qué ganda checaʼ.
◼ Pa jma de ti neza binni ridagulisaa zaquiiñecaʼ ti Yoo si stiʼ Reinu la? laquixhe chaahuiʼ ca hora ca ti cadi chuʼ stale binni ra puertaʼ stini ne ra ruzuhuaa carru.