Xi zabeenduluʼ pa guinábaluʼ ti lugar ra gucheecheluʼ diidxaʼ
1. Xi zanda gúniluʼ pa gápaluʼ ti lugar ra gucheecheluʼ diidxaʼ.
1 Xiñee galán guinábanu ti lugar para gucheechenu diidxaʼ. Zanda guinábaluʼ ti lugar para gucheecheluʼ diidxaʼ pa neza binni ridagulisaa ra nuuluʼ napa stale lugar ra guireeche diidxaʼ. Ne zanda guinábaluʼ ni riaana gaxha de ra nabézaluʼ. Lu Xhiiñaʼ Reinu ni rúninu 2007, yaza 5, párrafo 3, na sicaríʼ: «Yanna, pa ra ridagulisaaluʼ nápatu stale lugar ra rucheechetu diidxaʼ la? zándaca chuuláʼdxiluʼ gápaluʼ ti lugar ni nuu gaxha de ra liʼdxuʼ para gucheecheluʼ diidxaʼ lii si, o sti lugar ra chuuláʼdxiluʼ ti ganda iquiiñeluʼ tiempu stiluʼ jneza ora maʼ cucheecheluʼ diidxaʼ. Ne zándaca chuuláʼdxiluʼ guni invitarluʼ tuuxa chigucheechené lii diidxaʼ».
2. Ximodo zanda iquiiñenu lugar ra gucheechenu diidxaʼ para gacanenu grupu stinu gúnini.
2 Gunabaʼ ni para gacaneluʼ grupu stiluʼ guireecheʼ diidxaʼ. Pa gudiicabe lii ti lugar gaxha de ra rúniluʼ dxiiñaʼ, zanda gucheecheluʼ diidxaʼ tiempu ricaaluʼ para goloʼ o zanda gúniluʼ ni ora guireeluʼ de dxiiñaʼ. Ne zanda guni invitarluʼ sti xpinni Cristu ni runi dxiiñaʼ gaxha. Ne pa gudiicabe lii ti lugar gaxha de ralídxiluʼ, dede zanda gucheecheneluʼ binnilídxiluʼ diidxaʼ ca huadxí ca. Pa qué ganda cheluʼ ra ridagulisaatu ante guireeche diidxaʼ la? galán guni orarluʼ Jiobá ante guzululuʼ gucheecheluʼ diidxaʼ para guinábaluʼ laabe gacanebe lii (Filip. 4:6). Peru laaca naquiiñeʼ guireeneluʼ grupu stiluʼ, jmaruʼ si ca sábadu ne ca domingu, purtiʼ ca dxi ca jma riree ca xpinni Cristu para gucheechecaʼ diidxaʼ.
3. Xiñee galán guinábaluʼ ti lugar ra gucheecheluʼ diidxaʼ.
3 Xiñee galán gúniluʼ ni. Pa guinábaluʼ ni, ora tiica si nuu ra gucheecheluʼ diidxaʼ ne ora gacaláʼdxiluʼ. Zanda gucheecheluʼ diidxaʼ jma, purtiʼ qué zieluʼ dede ra ridagulisaa grupu stiluʼ para chigucheechetu diidxaʼ. Ne zacá jma zanda gácaluʼ precursor auxiliar o regular. Ne cumu ti lugar si nga rigucheecheluʼ diidxaʼ la? jma zanda gacaneluʼ guiráʼ binni ni riuulaʼdxiʼ guiziidiʼ jma, purtiʼ gaxha ralídxicabe ne dede zanda guzulú gúʼndaneluʼ laacabe Biblia. Nuu tiru zanda chigucheecheluʼ diidxaʼ dede chupa biaje ra gunábaluʼ ca ante gudxiguétaluʼ ni, ti ganda guinabaʼ xcaadxi xpinni Cristu ni. Stale de cani rucheecheʼ diidxaʼ nacaʼ racané ndiʼ laacaʼ para ganda gunibiáʼ binni laacaʼ. Pa guinábaluʼ ti lugar ra gucheecheluʼ diidxaʼ, ñee zacané nga lii ne ca binnilídxiluʼ para gucheechetu diidxaʼ jma la? (2 Tim. 4:5.)