Iquiiñenu ca videu stinu para gacanenu cani cayúʼndanenu Biblia
Para gunda biene Abrahán ne Jeremías ni racalaʼdxiʼ Jiobá gusiidiʼ laacaʼ la? biquiiñebe xiixa ni gúʼyacaʼ (Gén. 15:5; Jer. 18:1-6). Laanu laaca zanda iquiiñenu xiixa ni guʼyaʼ binni casi ca videu ni nápanu para ganda gacanenu ca binni cayúʼndanenu guiénecaʼ ni rusiidiʼ Biblia ne gusisaca cani. Lu programa ni zeeda raríʼ zadúʼyanu pora zanda iquiiñenu ca videu ni nápanu. Peru cadi guiaandaʼ laanu ti conseju si nga cayeeteʼ raríʼ purtiʼ cada binni rúʼndanenu Biblia gadxé gadxé ni zanda gacané laacaʼ.
Libru Xipeʼ ndiʼ cusiidiʼ Biblia
◻ Capítulo 1: Guilúxesitu párrafo 17, laguuyaʼ videu Las maravillas de la creación revelan la gloria de Dios.
◻ Capítulo 2: Ora guilúxetu, laguuyaʼ videu La Biblia: el libro más antiguo y actual.
◻ Capítulo 9: Guilúxesitu párrafo 14, laguuyaʼ videu Los testigos de Jehová: organizados para predicar las buenas nuevas.
◻ Capítulo 14: Ora guilúxetu, laguuyaʼ videu La Biblia: el poder que ejerce en su vida.
◻ Capítulo 15: Guilúxesitu párrafo 10, laguuyaʼ videu Toda nuestra asociación de hermanos.
Libru Cadi guixélenu de Dios ni nadxii laanu
◻ Capítulo 3: Guilúxesitu párrafo 15, laguuyaʼ videu Los jóvenes preguntan... ¿Cómo conseguir amigos verdaderos?
◻ Capítulo 4: Ora guilúxetu, laguuyaʼ videu Respetemos la autoridad de Jehová.
◻ Capítulo 7: Guilúxesitu párrafo 12, laguuyaʼ videu La negativa a la sangre. La medicina acepta el reto.
◻ Capítulo 9: Guilúxesitu párrafo 6, laguuyaʼ videu Ejemplos amonestadores para nuestros días.
◻ Capítulo 17: Ora guilúxetu, laguuyaʼ videu «Andamos por fe, no por vista».
Nuu xcaadxi videu ni zándaca gacané ca binni ni cadúʼndanenu Biblia. Casi cani rucaalú binnilidxi laa pur cayuundaʼ Biblia zanda gacané ca videu riʼ laacaʼ: Fieles ante las pruebas. Los testigos de Jehová de la Unión Soviética ne Los testigos de Jehová se mantienen firmes ante el ataque nazi. Ne ca hombrehuiiniʼ ne ca dxaapahuiiniʼ zanda gacané ca videu riʼ laacaʼ: Vayamos tras metas que honran a Dios ne Los jóvenes preguntan... ¿Qué haré con mi vida? Galán gucaʼnu lu libru Xipeʼ ndiʼ cusiidiʼ Biblia ne libru Cadi guixélenu de Dios ni nadxii laanu pora zanda guidúʼyanenu ca binni cadúʼndanenu Biblia tobi de ca videu ca o pora zanda gutiiñenu cani laacabe. Ne ora guiree xiixa videu nacubi, galán guiníʼ íquenu ximodo zanda iquiiñenu cani para chindanu ndaaniʼ ladxidóʼ ca binni cadúʼndanenu Biblia (Luc. 24:32).