Iquiiñenu videu ora gusíʼdinu ca estudiante stinu de lu Biblia

Ca cosa ni ruuyaʼ binni nga cani jma riaana lu xquendabiaaniʼ, ne racané ni laanu para guietenaláʼdxinu ni gusiidiʼ tuuxa laanu. Jiobá nga Instructor ni jma nanna gusiidiʼ ne riquiiñebe ca cosa ni ruuyaʼ binni para gusiidibe laanu stale cosa risaca (Gé 15:5; Jer 18:1-6). Jesús, Maestru ni jma nanna gusiidiʼ laaca biquiiñeʼ cani (Mt 18:2-6; 22:19-21). Lu ca últimu iza riʼ tobi de ca cosa ni ruuyaʼ binni ni jma huaquiiñeʼ nga ca videu. ¿Ñee caquiiñenu cani biaʼ gándatiʼ para gusíʼdinu ca estudiante stinu de lu Biblia la?

Yanna maʼ nápanu chii videu ni racané laanu gusiene chaahuinu ca ndaa stiʼ folletu Ca diidxaʼ sicarú ni zeeda de Dios. Stale biaje la? título stiʼ ca videu riʼ laca laaca ni nga ca pregunta de letra nayaaseʼ ni zeeda lu folletu riʼ. Folletu ni nuu lu sitiu de Internet napa ni tema stiʼ cada tobi de ca videu riʼ, ne rusietenalaʼdxiʼ ni laanu xi lección zanda iquiiñenu cada videu. Laaca nuu xcaadxi videu ni nuu lade ca publicación ni nuu ndaaniʼ caja ra dxaʼ herramienta o kit de enseñanza ni riquiiñenu para gusíʼdinu binni de Biblia.

¿Ñee raca nagana para estudiante stiluʼ guiene tema ni cayuundatu ca, o cadíʼdibe lu xiixa guendanagana la? Biyubi ti videu ni zanda gacané laabe lu jw.org®. o lu JW Broadcasting®. Zanda gúʼyatu ni juntu ne guni analizartu ni.

Guiráʼ beeu raca publicar videu nacubi. Ora gúʼyaluʼ cani, guníʼ ique ximodo zanda iquiiñeluʼ cani para gusiidiluʼ xcaadxi.