Ndaa Ra Rinabadiidxaʼ

◼ Pa chiné ti gunaa Testigu ti hombre ora chiguundané ti binni ra puertaʼ lidxi, ñee naquiiñeʼ guchii gunaa riʼ ique la?

Ora maʼ ruundanepeʼ ti gunaa Testigu ti binni Biblia ne chinebe ti hombre ni rucheeche diidxaʼ la? naquiiñeʼ guchii gunaa riʼ ique (1 Cor. 11:3-10). Guidúʼyanu xi guníʼ revista Torre stiʼ ni rapa 15 stiʼ julio 2002, yaza 27: «Ti xpinni Cristu ni ruundané ti binni Biblia, zeeda gaca ni cásica ni runi ti hombre ora maʼ cusiidiʼ ca binni ridagulisaa. Nga runi, pa chiguundané ti gunaa Testigu ti binni Biblia ne nuu ti hombre Testigu ni maʼ guyuunisa raqué la? napa xidé guchii gunaa riʼ ique». Laaca naquiiñeʼ guni gunaa Testigu riʼ sicaríʼ ora maʼ chiguundané ti binni ndaaniʼ lidxi, o ra puertaʼ lidxi o sti lugar.

Peru ñee zuchii gunaa riʼ ique pa caʼruʼ guzulú guʼndané binni Biblia la? Coʼ, ne laaca qué zúnibe ni pa chiguluíʼsibe binni ximodo ridúʼndanenu binni Biblia o pa gúʼndanebe laa xiixa ni zeeda lu tobi de ca guiʼchiʼ ni riquiiñenu para gusíʼdinu binni. Zándaca naquiiñeʼ guinínenu ti binni ra puertaʼ lidxi chupa chonna biaje ante guzulú gúʼndanenu laa Biblia, nga runi, maʼ cani rucheeche diidxaʼ nga naquiiñeʼ guʼyaʼ chaahuicaʼ ne guiénecaʼ pora nga zanda guchii ti gunaa ique ne pora cadi naquiiñeʼ gúnibe ni.