Chuʼnu listu ante ganda Conmemoración
Guxuíʼlunu nuunu 13 stiʼ nisán iza 33. Nanna Jesús ngue nga últimu gueelaʼ nuuné ca xhamigu ni jma nadxii ante guuticabe laa. Dxi que nga últimu biaje chiguninebe laacaʼ Pascua ne de raqué zaguíxhebe xiixa nacubi gúnicaʼ ne laani nga Guendaroxhi stiʼ Señor. Cumu nabé risaca ni chigúnicabe que la? biseendaʼ Jesús Pedru ne Juan para cuʼcaʼ listu lugar que (Luc. 22:7-13). Dede dxi que nabé risaca para laanu, ca xpinni Cristu, chuʼnu listu ante ganda Conmemoración (Luc. 22:19). Guidúʼyanu xi naquiiñeʼ gúninu ante ganda Conmemoración ni chigaca 3 stiʼ abril.
Ni guni ca publicador:
Gúnicabe stipa pur guni invitárcabe guiráʼ binni cheʼ Conmemoración.
Gúnicabe ti lista ra gucaacabe lá cani ruundanécabe Biblia, ca binnilídxicabe, cani rinécabe scuela o cani runinécabe dxiiñaʼ ne xcaadxi binni runibiáʼcabe para guni invitárcabe laacaʼ checaʼ Conmemoración.
Gúʼndacabe ne guiníʼ íquecabe ca versículo nexheʼ guiuundaʼ tiempu raca Conmemoración.
Guidxaagalúcabe cani cheʼ Conmemoración.