Bisaanané binni invitación casi zeluʼ
1. Padxí guzulú guni invitarnu binni cheʼ asamblea regional.
1 Pa ñúninu ti guendaró para ca xhamígunu o para binnilídxinu ne niquiiñenu stale tiempu ne bueltu para ñúninu ni, cadi dxandíʼ guizáʼ ñéchenu ora ñécabe la? Zacaca nga bíʼnicabe para gudixhe chaahuicabe guiráʼ ni chitiidiʼ lu asamblea regional ni chigaca iza riʼ. Chonna semana ante guzulú ni zudii Jiobá laanu ndaayaʼ de guni invitarnu binni para cheʼ ni. Xi zacané laanu gúninu ni né stale gana yaʼ.
2. Xi zucaa laanu quíʼzinu invitación né stale gana.
2 Pa guiníʼ íquenu pabiáʼ racané guiráʼ ni rusiidiʼ Jiobá laanu lu ca asamblea ca la? zaguu ni gana laanu chiguni invitarnu binni (Is. 65:13, 14). Laaca naquiiñeʼ guietenaláʼdxinu guiráʼ iza ribeendunu ni galán ora quíʼzinu invitación ca (biiyaʼ cuadru ni láʼ «Rié binni ora guicaa invitación»). Zándaca nuu binni ni guni invitarnu chinecaʼ laanu guendaridagulisaa ca. Biaʼ tiica binni cheʼ, ni jma risaca para laanu nga gusisácanu Jiobá ra quíʼzinu invitación ca ne zusihuínnini pabiáʼ nacháʼhuibe (Sal. 145:3, 7; Apoc. 22:17).
3. Ximodo zaguíʼzinu ca invitación ca.
3 Cada grupu de binnigola naquiiñeʼ guʼyaʼ ximodo guni congregación sticaʼ para quíʼzicaʼ invitación biaʼ gándatiʼ ne pa zusaanacabe ni ra qué guinni binni o pa zaguiizicabe ni ca lugar ra nuu stale binni. Ora gúʼyatu zanda, zusaananetu binni ti invitación né ca revista sábadu ne domingu. Guizáʼ nayecheʼ ziuʼnu guiluxe quíʼzisinu ca invitación ca purtiʼ bíninu ni né stale gana ne biʼniʼ invitarnu stale binni para chigucaadiágacaʼ guiráʼ ni cusiidiʼ Jiobá laanu.