Ti invitación nabé risaca
1. Padxí guzulú guiaaziʼ invitación stiʼ guendaridagulisaa roʼ chigaca 2014 ne ca guendaridagulisaa stiʼ stale guidxi roʼ chigaca iza ca yaʼ.
1 Pa ñúninu ti guendaró para ca xhamígunu o ca binnilídxinu ne niquiiñenu stale tiempu ne bueltu para ñúninu ni, cadi dxandíʼ dede ñéchenu ora ñuni invitarnu laacabe la? Zacaca nga bíʼnicabe para gudixhe chaahuicabe guiráʼ ni chitiidiʼ lu guendaridagulisaa roʼ de chonna gubidxa 2014 ne ca guendaridagulisaa stiʼ stale guidxi roʼ chigaca iza ca. Chonna semana ante guzulú ca guendaridagulisaa ca zuni invitarnu binni para cheʼ cani. Xi zacané laanu gúninu ni né stale gana yaʼ.
2. Xi zucaa laanu quíʼzinu invitación né stale gana.
2 Pa guiníʼ íquenu pabiáʼ racané guiráʼ ni rusiidiʼ Jiobá laanu lu ca guendaridagulisaa ca la? zaguu nga gana laanu chiguni invitarnu binni cheʼ (Is. 65:13, 14). Laaca naquiiñeʼ guietenaláʼdxinu guiráʼ iza ribeendunu ni galán ora quíʼzinu invitación ca. Caadxi de ca binni ni guni invitarnu zinecaʼ laanu guendaridagulisaa ca. Biaʼ tiica binni cheʼ, ni jma risaca para laanu nga guiráʼ stipa gúninu pur quíʼzinu invitación ca zusisácani lá Jiobá ne zusihuínnini pabiáʼ nacháʼhuibe (Sal. 145:3, 7; Apoc. 22:17).
3. Ximodo zaguíʼzinu ca invitación ca.
3 Cada grupu de binnigola naquiiñeʼ gúʼyacaʼ ximodo guni ca neza binni ridagulisaa para quíʼzicaʼ ca invitación ca biaʼ gándatiʼ ne pa zusaanacabe ni ra nuu ca yoo ra qué guinni binni o pa zaguiizicabe ni ca lugar ra nuu stale binni. Ca sábadu ne ca domingu, dxi nexheʼ gusaananetu binni revista la? laaca zusaananetu laacaʼ invitación ca. Pa caguíʼzinu ca invitación ca ganda primé sábadu stiʼ beeu la? jma nga naquiiñeʼ quíʼzinu cani lugar de guzulunu guidúʼndanenu binni Biblia. Guizáʼ nayecheʼ ziuʼnu guiluxe quíʼzisinu ca invitación ca purtiʼ bíninu ni né stale gana ne biʼniʼ invitarnu stale binni para chigucaadiágacaʼ guiráʼ ni cusiidiʼ Jiobá laanu.