Zuzulú zaguíʼzinu invitación para Conmemoración 22 stiʼ marzo

Lu iza riʼ, sábadu 22 stiʼ marzo zuzulunu zaguíʼzinu invitación ra nuu guiráʼ binni para checaʼ dxi guietenaláʼdxinu guendaguti stiʼ Cristu. Guiranu cayaca invitarnu gacanenu guiaaziʼ invitación riʼ. Zusaananenu binni revista ca sábadu ne domingu ora guidúʼyanu zanda. Primé sábadu stiʼ abril zaguíʼzinu invitación lugar de guyúbinu guidúʼndanenu binni Biblia. Peru pa guidxélanu ti binni ni dxandipeʼ rapa gana guiziidiʼ la? zanda guzulunu guidúʼndanenu laa Biblia. Binnigola ni ruuyaʼ modo rireeche diidxaʼ ca naquiiñeʼ guʼyaʼ pa zanda quíʼzinu invitación ca lugar ra nuu stale binni ti zacá guicaa guiráʼ binni ni. Naquiiñeʼ gucaʼnu lu ti guiʼchiʼ lá guiráʼ cani racaláʼdxinu cheʼ, casi ca binnilídxinu, cani runinenu dxiiñaʼ, cani rinenu scuela o ca binni ni riuulaʼdxiʼ guiziidiʼ de Dios ne xcaadxi binni ni runibiaʼnu ne gusaananenu laacabe ti invitación ora guzulú quíʼzinu cani. Ribézanu cheʼ stale binni dxi riʼ para guietenaláʼdxinu pabiáʼ nadxii Dios laanu ne Xiiñiʼ (Juan 3:16; 15:13).