Modo guni predicarluʼ jma jneza: Biyubi guiníʼneluʼ guiráʼ ca binni de territorio stiluʼ

XIÑEE RISACA NI. Maca guníʼ profeta Zacarías zucaadiaga binni de «guiráʼ diidxaʼ stiʼ ca guidxi» ca noticia galán stiʼ Reinu (Zac 8:23). Peru ¿tu gusiidiʼ laacabe yaʼ? (Ro 10:13-15). Nápanu privilegiu ne dxiiñaʼ risaca de guinínenu binni de territorio stinu ca diidxaʼ nacubi ne galán stiʼ Reinu (od-S yaza 84 párr. 10, 11).

XIMODO GÚNILUʼ NI:

• Guca preparar. ¿Ñee huadxélaluʼ binni ni riníʼ sti diidxaʼ la? Biquiiñeʼ aplicación JW Language para guiziidiluʼ ti presentación ni cadi nagana. Laaca zanda iquiiñeluʼ dispositivo móvil stiluʼ para guluiʼluʼ binni ca ximodo guidxela información lu stiidxaʼ lu sitiu jw.org.

• Guyuu listu. Pa cayuni predicarluʼ de yoo pur yoo, biʼniʼ stipa guníʼneluʼ ca binni guidxaagaluʼ neza ne cani nuu ndaaniʼ carru. Ora guireeluʼ predicación pública, bicaa ique guni predicarluʼ.

• Biiyaʼ xi zanda gúniluʼ ne cadi guireeluʼ gana. Biʼniʼ stipa guibiguétaluʼ ra lidxi binni ni qué nidxélaluʼ, zándaca sti ora o sti dxi, peru biyubi guiníʼneluʼ neca ti binni cada yoo. Zándaca para guiníʼneluʼ binni ca caquiiñeʼ gucaaluʼ carta o guiníʼneluʼ laabe pur teléfono o lu calle.

• Cadi gusaanaluʼ de chigánnaluʼ binni ca. Nagueendaca yeganna laabe ti chuuláʼdxibe guiziidibe jma. Pa riníʼ binni ca sti diidxaʼ la? biyubi ti publicador riníʼ stiidxabe ni zanda chiganna laabe. Peru cadi gusaanaluʼ de chigánnaluʼ laabe dede ora cheʼ ca publicador ni riníʼ stiidxabe ra nuube (od-S yaza 93, 94 párr. 39, 40).

GÚʼYASITU VIDEU NI LÁʼ RUNI PREDICARNU LU «IDUBI NACA GUIDXILAYÚ», ZANDA GUICABITU CA PREGUNTA RIʼ:

• 

  ¿Ximodo guca preparar caadxi hermanu para chiguni predicarcaʼ ti territorio ni riaana zitu? (1Co 9:22, 23).

• 

  ¿Xi guendanagana bidxiilúcabe?

• 

  ¿Xi ndaayaʼ gucuaacabe?

• ¿Xi zanda gúniluʼ para guiníʼneluʼ jma binni de territorio stiuʼ?