MODO RÚNINU XHIIÑAʼ DIOS
Nexheʼ chaahuiʼ modo cayaca predicar binni de guiráʼ idioma
Cásica gudixhe chaahuiʼ Jehová guidxi Israel dxiqué, yanna riʼ laaca maʼ gudixhe chaahuibe xquídxibe para guni ni nabe. Guiráʼ sucursal, circuito, congregación ne grupu de predicación ni nuu lu guidubi Guidxilayú riguixhe chaahuicaʼ modo gaca predicar ca noticia galán ra nuu binni de guiráʼ guidxi, dede né ca ni riníʼ sti idioma (Ap 14:6, 7).
¿Ñee huaníʼ íqueluʼ guiziidiluʼ sti idioma para gusiidiluʼ xcaadxi de lu Biblia la? Pa huaxiéʼ tiempu nápaluʼ para guiziidiluʼ sti idioma la? zanda guiziidiluʼ ti presentación nachucu lu aplicación JW Language. Ra iquiiñeluʼ presentación ni biziidiluʼ, ziuuluʼ nayecheʼ casi guyuu ca hermanu ni bibani lu primé siglu ora gúdxicabe binni de xcaadxi guidxi «ca cosa ni biʼniʼ Dios né poder stiʼ» lu stiidxacaʼ (Hch 2:7-11).
DESPUÉ DE GÚʼYALUʼ VIDEU NI LÁʼ GUCA XHAMIGU JEHOVÁ: BICHEECHE DIIDXAʼ LU STI IDIOMA, ZANDA GUICÁBILUʼ CA PREGUNTA RIʼ:
¿Pora zanda iquiiñenu JW Language?
¿Xi guiráʼ zeeda lu aplicación riʼ?
Caquiiñeʼ gunadiaga binni de guiráʼ idioma ca noticia galán.
¿Xi sti idioma riníʼcabe neza ra runi predicarnu?
¿Xi caquiiñeʼ gúninu ora guidxélanu tuuxa ni riníʼ sti idioma ne riuulaʼdxiʼ guiziidiʼ jma de lu Biblia? (od-S yaza 100 párr. 39-41).