Ximodo zanda guizíʼdinu jma ora guni estudiarnu stúbinu

XIÑEE RISACA NI. Ora guni estudiarnu stúbinu racané ni para guiene chaahuinu Stiidxaʼ Dios, zeeda gaca ni casi ora ñénenu pabiáʼ «nalaga, ziuulaʼ, nasoo ne gueteʼ» xiixa (Ef 3:18, TNM). Laaca racané ni laanu para cadi guicá ca cosa malu runi binni guidxilayú, ne ganda guinaaze dxiichinu diidxaʼ ni rudii guendanabani (Flp 2:15, 16). Zanda cuinu guni estudiarnu xiixa tema de lu Stiidxaʼ Dios ni peʼ caquiiñenu. ¿Ximodo zanda iquiiñenu tiempu stinu jneza para guidúʼndanu ne guni estudiarnu Biblia yaʼ?

XIMODO GÚNILUʼ NI

• Zanda guni subrayarluʼ caadxi versículo ne gucaaluʼ nota lu Biblia ni riquiiñeluʼ para guni estudiarluʼ, zanda gaca ni lu guiʼchiʼ, tableta o celular.

• Bicabi ca pregunta riʼ: «Tu laa», «xi», «paraa», «padxí», «ximodo», ne «xiñee», ora maʼ cayuundaluʼ.

• Biyubi gánnaluʼ xi guiráʼ bizaaca. Zanda guyúbiluʼ información pur tema o pur versículo, para gúniluʼ ndiʼ zanda iquiiñeluʼ ca herramienta ni nápanu para guni investigarnu.

• Biʼniʼ meditar lu ni cayuundaluʼ para gúʼyaluʼ ximodo zanda gacané ni lii lu xquendanabániluʼ.

• Gúninu ni cazíʼdinu de lu Stiidxaʼ Dios lu xquendanabáninu (Lu 6:47, 48).

DESPUÉ DE GÚʼYALUʼ VIDEU NI LÁʼ ORA GUNI ESTUDIARNU STÚBINU RACANÉ NI LAANU PARA GUINAAZE DXIICHINU STIIDXAʼ DIOS, ZANDA GUICÁBILUʼ CA PREGUNTA RIʼ:

• ¿Ximodo ruuyaʼ caadxi hermanu guni estudiarcaʼ stúbicaʼ?

• ¿Xiñee caquiiñeʼ guni orarnu ante guzulú guni estudiarnu?

• ¿Xi zanda gacané laanu guiénenu chaahuinu ti relatu zeeda lu Biblia?

• ¿Xi tipu marca zanda gucaʼnu lu Biblia ni riquiiñenu para guni estudiarnu?

• ¿Xiñee nabé risaca guni meditarnu ora maʼ cayuni estudiarnu Stiidxaʼ Dios?

• ¿Xi caquiiñeʼ gúninu né guiráʼ ni cazíʼdinu?