MODO RÚNINU XHIIÑAʼ DIOS
Zusisácanu Jehová pa gácanu precursor
Stale cosa nga ni bicaa ca israelita que gusisácacaʼ Jehová, guleebe laacaʼ de Egipto ne bilabe laaca de lu náʼ ejércitu stiʼ Faraón (Éx 15:1, 2). Qué huasaana Jehová de gacané xquidxi. ¿Ximodo zanda gudiʼnu xquixe peʼ laabe yaʼ? (Sl 116:12).
Ti modo zanda gúninu ni nga ra gácanu precursor auxiliar o regular. Guinábanu Jehová gudii laanu stipa ne deseu para gúninu ni (Flp 2:13). Stale tu laa ruzulú runi de precursor auxiliar primeru. Zanda gúninu 30 o 50 hora lu beeu marzo ne abril ne beeu riganna superintendente de circuito congregación stinu. Ora guidúʼyanu pabiáʼ nayecheʼ riuʼnu ora gácanu precursor auxiliar, rucaani laanu gúninu stipa pur gácanu precursor regular. Dede ca ni runi dxiiñaʼ guidubi dxi ne ca ni napa xiixa guendahuará huayúnicaʼ de precursor regular (mwb16.07 yaza 8). ¿Ñee cadi dxandíʼ runi merecer Jehová guiráʼ stipa ni gúninu para gusisácanu laa la? (1Cr 16:25).
DESPUÉ DE GÚʼYALUʼ VIDEU NI LÁʼ «CHONNA BAʼDUDXAAPAʼ DE MONGOLIA», ZANDA GUICÁBILUʼ CA PREGUNTA RIʼ:
¿Xi guendanagana bidxiilú ca hermana riʼ para gunda gúcacaʼ precursora?
¿Xi ndaayaʼ huayápacabe?
¿Xi xcaadxi dxiiñaʼ gunda bíʼnicabe pur gúcacabe precursora?
¿Ximodo gucané ejemplu stícabe xcaadxi?