Xcaadxi modo zanda gusisácanu Jiobá
1. Xi ti cosa nacubi caguixhe xquidxi Dios zacané laanu gusisácanu Jiobá biaʼ gándatiʼ.
1 Cani rucheeche diidxaʼ zanda gácacaʼ precursor auxiliar ne gudiicaʼ 30 hora guiráʼ iza lu ca beeu marzo ne abril, ne laaca zanda gácacabe ni lu beeu rié binnigola ni riganna ca neza binni ridagulisaa. Ne bizulú cayacani zacá dede lu beeu marzo stiʼ iza riʼ. Pa chiganna binnigola riʼ ti neza binni ridagulisaa ra riluxe ti beeu ne ra ruzulú stobi la? cani rucheeche diidxaʼ zanda cuicaʼ gácacaʼ precursor auxiliar lu tobi de ca beeu ca. Guiráʼ ca precursor auxiliar zanda chuʼcaʼ lu guidubi guendaridagulisaa rapané binnigola ni riganna ca neza binni ridagulisaa ca precursor regular ne especial. Nga runi, pa qué zanda gácanu precursor auxiliar ne gudiʼnu 50 hora la? yanna maʼ zanda gusisácanu Jiobá tapa biaje lu ti iza ne gúninu ni biaʼ gándatiʼ ora gudiʼnu 30 hora (Sal. 109:30; 119:171).
2. Xi guiráʼ zabeendú cani gaca precursor auxiliar semana chiganna binnigola ni riganna ca neza binni ridagulisaa laacaʼ.
2 Lu beeu riganna binnigola ca neza binni ridagulisaa. Yanna jma maʼ stale ni rucheeche diidxaʼ zanda gácacaʼ precursor auxiliar ora chiganna binnigola ni riganna ca neza binni ridagulisaa laacaʼ ne zacá zanda «[g]acané saa nu» ora gucheechenenu laabe diidxaʼ (Rom. 1:11, 12). Cani gaca precursor auxiliar zándaca guinábacaʼ ti dxi de vacación ra rúnicaʼ dxiiñaʼ ti ganda gucheechenecaʼ binnigola ni riganna neza binni ridagulisaa diidxaʼ dxi ca. Cani runi dxiiñaʼ ndaaniʼ semana la? zanda guinábacabe binnigola riʼ gucheechenécabe laa diidxaʼ sábadu o domingu. Ne ora gucaadiaga cani gaca precursor auxiliar libana ni rudii binnigola riʼ para ca precursor regular ne especial la? nabé zaguuni gana laacabe.
3. Xiñee galán gácanu precursor auxiliar ca dxi rietenaláʼdxinu guendaguti stiʼ Cristu.
3 Lu beeu marzo ne abril. Guiráʼ cani guca precursor auxiliar ne biʼniʼ 30 hora dxi bietenaláʼdxinu guendaguti stiʼ Cristu la? laaca zanda gúnicaʼ chupa biaje jma de biaʼ rúnicaʼ para «usisaca [ca] Dios» (Heb. 13:15). Lu beeu marzo ne abril nabé galán gácanu precursor auxiliar ne zacá zanda gúninu jma lu xhiiñaʼ Dios. Xiñee yaʼ. Purtiʼ lu ca beeu ca riguíʼzinu invitación para cheʼ binni dxi chiguietenaláʼdxinu guendaguti stiʼ Cristu. Ne cumu jma stale tiempu riquiiñeʼ ca xpinni Cristu para gucheechecaʼ diidxaʼ la? jma stale tu zanda gucheechenécabe diidxaʼ. Ne tiidiʼ si dxi rietenaláʼdxinu guendaguti stiʼ Cristu naquiiñeʼ chigánnanu ca binni ni guyé dxi ca ne gacanenu laaca chuuláʼdxicaʼ guiziidicaʼ jma de Dios ne uguʼnu gana laacaʼ checaʼ ora tiidiʼ libana ni bibí para gudiicabe tiidiʼ si guendaguti stiʼ Cristu. Rihuinni dxíchica yanna jma stale biaje zanda gusisácanu Jiobá ora gácanu precursor auxiliar. Ñee qué zucaa nga laanu gácanu precursor auxiliar la? (Luc. 6:45.)