MODO RÚNINU XHIIÑAʼ DIOS
Modo guni predicarnu jma jneza: Biʼniʼ predicar pur teléfono
XIÑEE RISACA NI. Ora guni predicarnu pur teléfono, cudiʼnu «ti testimonio completu de ca noticia galán» (Hch 20:24).a Zacá zanda guni predicarnu binni ora qué zanda chuunu ra lidxi.
XIMODO GÚNILUʼ NI
Guca preparar. Gulí ti tema ni chuulaʼdxiʼ binni. De racá bicaa xi nápaluʼ gana guiniʼluʼ. Guníʼ ique xi zanda guiniʼluʼ pa guicabi contestador automático lii. Galán gápaluʼ lu mexaʼ stiluʼ guiʼchiʼ ra bicaaluʼ xi zanda guiniʼluʼ ne xcaadxi cosa ni zanda iquiiñeluʼ, casi ti dispositivu electrónicu ra zuxeleʼ JW Library® o jw.org®.
Cadi guidxíbiluʼ. Bixidxi ne guníʼ casi ñaca zuhuaa binni ca luluʼ. Pa cadi caquiiñeʼ la? cadi cuezadxiluʼ. Galán pa chuʼ sti binni. Pa guinabadiidxaʼ binni ca lii xiixa la? guniʼni sti biaje ti chúʼdiaga xcompañéruluʼ ne ganda gacanebe lii guyúbibe respuesta ca.
Biiyaʼ pa zanda gúniluʼ ti revisita. Pa chuulaʼdxiʼ binni ca guiziidiʼ jma la? biʼniʼ ti pregunta ni guicábiluʼ sti biaje guiníʼneluʼ laabe. Zanda guni ofrecerluʼ laabe ti publicación ne gábiluʼ laabe zanda guseendaluʼ ni lu correu, pur Internet o chisaanu ni ra nuube. Laaca zanda guseendaluʼ ti videu o ti artículo ra nuube pur mensaje o lu correu stibe. Pa raʼbuʼ zanda la? gudxi laabe gúʼyabe xiixa lu sitiu ni nápanu lu Internet.
a Pa zanda guni predicarluʼ pur teléfono lugar ra nabézaluʼ la? caquiiñeʼ chinándaluʼ ni ná ca ley de protección de datos stiʼ guidxi ca.