¡Gudxi guiráʼ binni mayaca guibáninu ndaaniʼ ti guidxilayú galán!

Lu beeu noviembre zúninu stipa para gábinu binni mayaca guibáninu ndaaniʼ ti guidxilayú galán (Sl 37:10, 11; Ap 21:3-5). ¿Ñee zanda quixhe chaahuinu tiempu stinu para gácanu precursor auxiliar lu campaña riʼ la? Ca ni gaca precursor auxiliar lu beeu riʼ zanda gúnicaʼ 30 o 50 hora.

Lu beeu chigaca campaña riʼ, gúninu stipa guidúʼndanenu guiráʼ binni ti textu ni caníʼ de guidxilayú cubi. Ora gaca prepararluʼ, guníʼ ique xi textu jma ñuulaʼdxiʼ ca binni ni nuu lu territorio stiluʼ. Pa guidúʼyanu guyuulaʼdxiʼ binni ca primé biaje gunínenu laa, zanda gudiʼnu laa revista Torre stiʼ ni rapa númeru 2 de 2021 (revista para guiráʼ binni). Cadi gudiiluʼ lugar tidiʼ stale tiempu para guiníʼneluʼ binni ca sti biaje, ne biʼniʼ stipa gúʼndaneluʼ laabe folletu ni láʼ ¡Zanda guibániluʼ nayecheʼ! ¡Guizáʼ ziéchenu chinenu ca noticia galán ra nuu guiráʼ binni! (Is 52:7).

DESPUÉ DE GÚʼYALUʼ VIDEU MUSICAL NI LÁʼ DXANDÍʼ ZACAANU GUENDANABANI CA, ZANDA GUICÁBILUʼ CA PREGUNTA RIʼ:

• ¿Xi guiráʼ cosa sicarú cuxuiʼlú dxaapahuiiniʼ ni rihuinni lu videu ca?

• ¿Xii nga ni jma racaláʼdxiluʼ gúʼyaluʼ ndaaniʼ guidxilayú cubi ca?

• Pa guiníʼ íqueluʼ ca ni chiguizaaca ndaaniʼ guidxilayú cubi ca, ¿ximodo zacané ni lii guni participarluʼ lu campaña ni chigaca lu noviembre? (Lu 6:45).