¿Tuu nga ca xhamíguluʼ lu internet?

Chupa binni ni xhamigu nadxiisaacaʼ. Guca xhamigu David ne Jonatán despué de biiti David Goliat (1Sa 18:1). Cada tobi biiyaʼ ca cosa galán ni runi stobi, ne ngue gucané ni para jma gaca xhamígucabe. Nga runi para gaca xhamíguluʼ ti binni, naquiiñeʼ gunibiáʼ chaahuiluʼ laabe ne para nga la? naquiiñeʼ cueeluʼ tiempu ne stipa para gunibiaʼluʼ laabe. Ne lu internet cadi nagana para guidxela binni «xhamigu». Nagana para gunibiáʼ chaahuiluʼ ti binni lu internet purtiʼ rucaachicaʼ modo laacaʼ, purtiʼ rudxiibacabe información ne cosa ni racalaʼdxisícabe guʼyaʼ xcaadxi. Nga runi galán guidúʼyanu tu zanda gaca xhamígunu lu internet. Cadi guidxíbiluʼ pa qué guni aceptarluʼ solicitud stiʼ tuuxa ni qué runibiaʼluʼ purtiʼ riníʼ íqueluʼ zadxiichibe. Cumu nuu stale peligru lu internet, nuu tu laa qué gapa nin ti red social. Peru, pa nápaluʼ red social, ¿xi cadi naquiiñeʼ guiaandaʼ lii?

DESPUÉ DE GÚʼYALUʼ VIDEU NI LÁʼ GUYUU CUIDADU PA IQUIIÑELUʼ RED SOCIAL, ZANDA GUICÁBILUʼ CA PREGUNTA RIʼ:

• 

  ¿Xi cadi naquiiñeʼ guiaandaʼ lii ante guni publicarluʼ xiixa foto o gucaaluʼ xiixa comentariu?

• 

  ¿Xiñee naquiiñeʼ gúʼyaluʼ tuu nga ca ni gaca xhamíguluʼ lu internet?

• 

  ¿Xiñee naquiiñeʼ gúʼyaluʼ pabiáʼ tiempu iquiiñeluʼ ca red social? (Ef 5:15, 16).