Iquíʼñenu guiráʼ ni napa Biblia stinu

Ora gúʼndaluʼ ti textu lu Traducción del Nuevo Mundo, zuuyaluʼ nuu biaje ricá ti letrahuiiniʼ ra maʼ ziluxe ti diidxaʼ o ti versículo. ¿Xi para riquiiñecani yaʼ? Riquiiñecani para gánnanu nuuruʼ xcaadxi referencia ni caninu raríʼ nga xcaadxi versículo zeeda lu Biblia ni caníʼ jma de tema ni cadúʼndanu ca. Ca referencia riʼ racanécani laanu gánnanu ngueca si tema caníʼ caadxi versículo o libru stiʼ Biblia. Zanda guyúbiluʼ referencia stiʼ cada tobi de ca letrahuiiniʼ ca galahuiʼ de cada yaza stiʼ Biblia. Peru pa ruundaluʼ Biblia lu sitiu jw.org o lu aplicación JW Library^® la? zanda guchazinaluʼ o gutabinaluʼ letrahuiiniʼ ca ne zuluiʼni lii ca referencia ca.

¿Xi zanda guidxélaluʼ lu ca referencia ca yaʼ? Guidúʼyanu caadxi ejemplu:

Caadxi versículo ni caníʼ de ti relatu si. Ca letrahuiiniʼ riʼ ruseendacani laanu lu sti libru stiʼ Biblia ni laaca caníʼ de relatu ni cadúʼndanu ca. Casi pa guidúʼndanu 2 Samuel 24:1 ridxélanu ti letrahuiiniʼ ne ruseendani laanu lu 1 Crónicas 21:1. Ne ora cheluʼ lu 1 Crónicas 21:12 laaca ruseendani lii lu 2 Samuel 24:1.

Paraa zeeda ca diidxaʼ ca. Ca letrahuiiniʼ riʼ racanécani laanu gánnanu paraa zeeda ca diidxaʼ ca primé biaje lu Biblia. Casi pa guidúʼndanu Mateo 4:4 zadxélanu ti letrahuiiniʼ ni ruseendaʼ laanu lu Deuteronomio 8:3.

Modo raca cumplir ti profecía. Ca letrahuiiniʼ riʼ racanécani laanu gánnanu de ti profecía ni cadúʼndanu ne ximodo guca cumplirni. Zanda gúʼndaluʼ Zacarías 9:9 ne Mateo 21:5.