3 Ndaa

Naquiiñeʼ gunibiaʼluʼ Dios

Para gaca xhamíguluʼ Dios, naquiiñeʼ gunibiaʼluʼ laabe. Ca xhamíguluʼ nanna laluʼ ne riníʼ cani, njaʼ. Dios laaca racalaʼdxiʼ gacabiaʼluʼ ne guiniʼluʼ lá. Lá Dios nga Jiobá (Salmo 83:18, Mateo 6:9). Laaca, naquiiñeʼ gánnaluʼ xii nga ni riuláʼdxibe ne ni qué riuláʼdxibe, tuu nga ca xhamígube ne tuu nga ca xhenemígube. Yanna, cumu riné dxi nga gunibiáʼ chaahuiluʼ tuuxa la? Biblia na: guendanuuxpiaaniʼ nga cueeluʼ tiempu para gacabiaʼluʼ Jiobá (Efesios 5:15, 16).

Ca xhamigu Dios rúnicaʼ ni riuláʼdxibe. Guníʼ ique ca xhamíguluʼ. Pa lii guninaluʼ laacabe ne guʼnuʼ ni qué riuláʼdxicabe, zaca xhamígurucabe lii la? Coʼ njaʼ. Zaqueca nga pa racaláʼdxiluʼ gaca xhamíguluʼ Dios, naquiiñeʼ guʼnuʼ ni riuláʼdxibe (Juan 4:24).

Cadi guiráʼ diʼ ca relijión ca racanecaʼ laanu gacabiaʼnu Dios. Jesús, ni jma xhamigu Dios la? guníʼ de chupa neza. Tobi ca nalaga ne dxaʼ binni. Neza riʼ zeni para guendarinitilú. Stobi ca nabéʼ ne huaxiéʼ binni zeʼ luni. Neza ca zeni para guendanabani ni qué zaluxe. Ndiʼ nga riníʼ ni, pa lii racaláʼdxiluʼ gaca xhamíguluʼ Dios la? naquiiñeʼ gannuʼ ximodo nga jneza guni adorarluʼ laabe (Mateo 7:13, 14).