Dichoso ni riaʼ stobi

1. Guiráʼ ca xpinni Dios ni riaʼ

rusiecheʼ ladxidóʼ Jiobá

ne qué rusaana de guiníʼ

pabiáʼ nachaʼhuiʼ Dios Jiobá.

Biseendaʼ Dios Jesús raríʼ

ti ganda ulá de iráʼ xixé.

Nachaʼhuiʼ Dios ne rannaxhii

ne riaʼ ca binni ni ruchee.

2. Ni guni casi runi Dios

riguixhe ique guiaʼ de iráʼ;

Jiobá zuxhiá iráʼ donda stiʼ,

purtiʼ Jesús zaníʼ pur laa.

Ca xpinni Dios ni riaʼ riníʼ

cani dxandíʼ stiʼ Dios Jiobá,

rusiidicaʼ nuu Reinu ibáʼ

ne qué zandaa zulá de iráʼ.

3. Guiráʼ ca binni ni nadóʼ

rilaselaʼdxiʼ, racané

ca binni caquiiñeʼ de laa,

Dios laaca riaʼ ca binni ca.

Guiráʼ ca xpinnuʼ Dios, Jiobá,

caquiiñeʼ quixhe íquecaʼ

chinándacaʼ ejemplu stiuʼ,

zaqueca ejemplu stiʼ Jesús.