Guiranu zanda guni predicarnu ne gusíʼdinu

Dxi gunabaʼ Jehová Moisés guni ti dxiiñaʼ risaca, guníʼ ique qué zanda guni ni (Éx 4:10, 13). ¿Ñee huayuni sentirluʼ casi biʼniʼ sentir Moisés la? Pa deruʼ cudiicabe lii estudiu, ¿ñee riníʼ íqueluʼ qué zanda guni predicarluʼ la? Pa rieluʼ scuela, ¿ñee ridxíbiluʼ guni predicarluʼ ra scuela la? ¿Ñee raca nagana para lii guni predicarluʼ pur teléfono o de sti modo la? Gunabaʼ Jehová gudii lii espíritu santu stiʼ (1Pe 4:11). Zanda chuʼluʼ seguru zacané Jehová lii para gúniluʼ intiica dxiiñaʼ gudii lii (Éx 4:11, 12).

DESPUÉ DE GÚʼYALUʼ VIDEU NI LÁʼ LAGACA NADXIBALÚ, CA PUBLICADOR, ZANDA GUICÁBILUʼ CA PREGUNTA RIʼ:

• ¿Xi guendanagana bidxaagalú Aoyama?

• ¿Xi bíʼnibe para gúcabe nadxibalú? (Jer 20:7-9).

• ¿Xi guleendube pur bíʼnibe jma lu xhiiñaʼ Jehová?

• ¿Xi guendanagana rápaluʼ lu predicación ni zanda gacané Jehová lii gudxiiluluʼ?