Ti oración para gudiʼnu xquíxepeʼ Dios

1. Ra nuuluʼ Diuxi cadxiña de iradu,

para gudiʼdu xquíxepeʼ lii, Dios.

Lii nga ruyaanuʼ ne rápaluʼ laadu,

purtiʼ nadxiiluʼ guiradu, Señor.

Diuxi Jiobá de guiradu rucheʼdu,

pur nga perdón stiuʼ rinábadu lii.

Xquixe rudiʼdu pur guendanabani

ne pur nacháʼhuiluʼ, Dios ni dxandíʼ.

2. Xquíxepeʼ lii pur nadxiiluʼ de iradu

guiráʼ xixedu ridxíñadu lii.

Rusiiduʼ laadu ca stiidxaluʼ, Diuxi,

para guidxíñadu gaxha de lii.

Jiobá, rinábadu espíritu stiluʼ

para guinidu de ca diidxaʼ stiuʼ.

Nayecheʼ rúnidu guiráʼ ni naluʼ.

Xquixe lii Diuxi pur ndaayaʼ rudiiuʼ.