Ora runi sentirluʼ maʼ qué zanda guni huantarluʼ

Adriana, ti gunaa de Brasil guníʼ: «Tantu guyuaaʼ xizaa la? dede guníʼ iqueʼ guuteʼ laca naa».

¿ÑEE huayuni sentirluʼ mal dede huaníʼ íqueluʼ pa risácaruʼ xquendanabániluʼ la? Pa huayuni sentirluʼ zacá la? zándaca ziéneluʼ ni bizaaca Adriana. Gúpabe ansiedad, guyuube triste ne maʼ qué guidxélabe xi gúnibe. Últimu la? gudxi doctor laabe nápabe depresión grave.

Guidúʼyanu ni bizaaca Kaoru, ti hombre de Japón ni gupa bixhoze ne jñaa purtiʼ maʼ huaracaʼ ne maʼ nagólacaʼ. Laabe guniʼbe: «Ca dxi que la? bineʼ sentir stale presión ra dxiiñaʼ. Ra gudiʼdiʼ tiempu, bidxii ladxiduáʼ ne maʼ guca nagana para naa gaseʼ. Gucalaʼdxeʼ ñateʼ para maʼ cadi guneʼ sufrir».

Sicaríʼ guníʼ Ojebode, ti hombre de Nigeria: «Guiráʼ ora guyuaaʼ triste, ne pur intiisi cosa maca cayuunaʼ. Dede guníʼ iqueʼ guuteʼ laca naa». Qué ñuuti Ojebode, Kaoru ne Adriana laca laa, peru guizáʼ triste guininu ni, guiráʼ iza casi xhono gayuaa mil binni runi ni.

PARAA ZANDA GUIDXÉLALUʼ NI GACANÉ LII

Mayoriá de binni ni ruuti laca laa nga ca hombre, ne stale de laacaʼ rúnicaʼ ni purtiʼ rituílucaʼ guinábacaʼ tu gacané laacaʼ. Peru Jesucristu guníʼ caquiiñeʼ cheʼ ca ni huará doctor (Lucas 5:31). Nga runi, pa zacá cayuni sentirluʼ la? cadi guituíluluʼ guinábaluʼ tu gacané lii. Stale binni ni napa depresión maʼ nuucaʼ galán purtiʼ maʼ cacaacaʼ ti tratamientu médicu. Gupa xidé guyé Ojebode, Kaoru ne Adriana doctor, ne yanna maʼ nuucaʼ galán.

Ora napa binni depresión, nuu doctor runi recetar medicamentu, cheʼ binni psicólogo o guiropaʼ cosa riʼ. Laaca caquiiñeʼ ca binni huará riʼ gacané, guiene ne gapa familia stiʼ ne ca xhamigu paciencia laa. Jiobá nga ni jma xhamígunu ne rudiibe laanu ti cosa guizáʼ galán: Stiidxabe, Biblia.

¿ÑEE ZIUU DXI GACACHAAHUIʼ GUENDANAGANA RIʼ LA?

Naquiiñeʼ guicaa ca binni napa depresión ti tratamientu stale tiempu ne laaca naquiiñeʼ gúnicaʼ stale cambiu lu xquendanabánicaʼ. Pa nápaluʼ depresión, zanda chuʼluʼ seguru maʼ cadi candaa zabániluʼ galán. Zacá riníʼ ique Ojebode, laa guníʼ: «Maʼ cabezasiáʼ gaca cumplir ca diidxaʼ zeeda lu Isaías 33:24, ra ná zedandá ti dxi guirutiʼ tu zaníʼ “huaraʼyaʼ”». Laaca zatadxí ladxidoʼloʼ gánnaluʼ cayuni prometer Jiobá «ti guidxilayú cubi» ra maʼ qué ziuu «yuubaʼ», maʼ qué zaníʼ ique xhaataʼ binni ne maʼ qué ziuu triste (Revelación [Apocalipsis] 21:1, 4). Zaree guendahuará emocional ni nápaluʼ. Ne maʼ qué ziuu diʼ dxi gápaluʼ ca sentimientu ca, ne maʼ nin qué lica zietenaláʼdxiluʼ ca ni (Isaías 65:17).

Textu zeeda lu Biblia ni zanda gacané lii

Riene Dios ni cayuni sentirluʼ

«Naa, Jiobá Dios stiluʼ, naazeʼ dxiicheʼ naluʼ ladu derechu, Ni cayabi lii: “Cadi guidxíbiluʼ. Naa zacaniáʼ lii”» (Isaías 41:13).

Jiobá nga ni jma riene ni cayuni sentirnu ne racaláʼdxibe gacanebe laanu.

Biʼniʼ meditar ni zeeda lu Stiidxaʼ Dios

Gunabaʼ Elias gati ne laaca guníʼ: «¡Maʼ biáʼcatiʼ! Biiti naa yanna Jiobá. Qué risacadiáʼ jma que ca bixhozegolaʼ» (1 Reyes 19:4).

Sicaríʼ guníʼ Ojebode: «Guneʼ meditar ni zeeda lu Stiidxaʼ Dios nabé gucané ni naa. Bidieeʼ cuenta laaca biʼniʼ sentir profeta Elías ni cayuneʼ sentir».

Biziidiʼ de ca ejemplu zeeda lu Biblia

Gudxi Jesús Pedro: «Ma unaba lu Dios pur lii cadi guiaadxa fe lii» (Lucas 22:32).

Despué de guníʼ Pedro qué runibiáʼ Jesús chonna biaje la? guizáʼ guyuu xizaa dede nabé naná modo biinaʼ. Kaoru guníʼ: «Dxi gunnaʼ bizaalaʼdxiʼ Jiobá ne Jesús ni cayuni sentir Pedro la? guizáʼ guluu ni gana naa».

Maʼ qué ziuu diʼ dxi gápaluʼ ca sentimientu ca, ne maʼ nin qué lica zietenaláʼdxiluʼ ca ni (Isaías 65:17).