CANI RINABADIIDXAʼ BINNI DE BIBLIA

Tu laa bizáʼ Binidxabaʼ

Cadi Dios diʼ nga bizáʼ Binidxabaʼ. Ni bizáʼ Dios nga ti ángel ni beeda gaca Binidxabaʼ. Jesús bisihuinni qué nusiguiibe ne qué ñápabe donda dxiqué. Gúcabe tobi de ca ángel chaahuiʼ stiʼ Dios. (Biindaʼ Juan 8:44.)

Ximodo beeda gaca ti ángel chaahuiʼ tuuxa ni nabé malu

Ángel ni beeda gaca Binidxabaʼ ca laapeʼ bicaalú Dios ne bicaabe Adán ne Eva gúnicaʼ cásica bíʼnibe. Stúbibe gúcabe Binidxabaʼ, ni riníʼ «tobi ni rucaalú». (Biindaʼ Génesis 3:1-5; Apocalipsis 12:9.)

Cásica xcaadxi ángel ne binni la? ángel ni beeda gaca Binidxabaʼ ca laaca bizáʼ Dios laa para ganda cuí guni ni jneza o ni cadi jneza. Peru laabe gucaláʼdxibe guni adorar binni laabe. Ne jma gucuá íquebe ni que guzuubabe stiidxaʼ Dios. (Biindaʼ Mateo 4:8, 9; Santiago 1:13, 14.)

Xiruʼ cayuni Binidxabaʼ para gucaa binni guni ni na. Ñee naquiiñeʼ guidxibi binni laabe la? Biblia cacabi cani gunabadiidxanu ca.