BIBLIOTECA NI NUU LU INTERNET Watchtower
Watchtower
BIBLIOTECA NI NUU LU INTERNET
diidxazá
  • BIBLIA
  • PUBLICACIÓN
  • REUNIÓN
  • w13 1/10 yaza 5
  • Ni biʼniʼ Dios para bilá binni

Gastiʼ nin ti videu de ca ni guliluʼ riʼ.

Bitiidilaʼdxiʼ, guyuu ti error ora cayaca cargar videu riʼ.

  • Ni biʼniʼ Dios para bilá binni
  • Torre stiʼ ni rapa ni caníʼ de Reinu stiʼ Jiobá 2013
  • Laaca zanda gúʼndaluʼ
  • Dios zaquiiñeʼ Mesías para gulá laanu
    Torre stiʼ ni rapa ni caníʼ de Reinu stiʼ Jiobá 2009
  • Cabézacabe Mesías
    Torre stiʼ ni rapa ni caníʼ de Reinu stiʼ Jiobá 2011
  • Bedandá Mesías
    Cani zeeda lu Biblia
  • Ti profeta ni nuu de esclavu biiyaʼ caadxi visión
    Cani zeeda lu Biblia
Torre stiʼ ni rapa ni caníʼ de Reinu stiʼ Jiobá 2013
w13 1/10 yaza 5

CA TEMA NI ZEEDA LU CA PRIMÉ YAZA: NANNUʼ XIDÉ CANÍʼ BIBLIA LA?

Ni biʼniʼ Dios para bilá binni

Dios bidii stiidxaʼ Abrahán de lade ca xiiñiʼ zale binni «ni za de gunaa» que. Ne pur binni ca zacaa guiráʼ binni guidxilayú stale ndaayaʼ (Génesis 22:18). Despué yendeza Jacob, ti xhiaga Abrahán, Egipto. Raqué bidale binnilídxibe ne laacaʼ nga beeda gácacaʼ guidxi Israel.

Gudiʼdiʼ si tiempu guyuu ti faraón ndaaniʼ guidxi Egipto, ti hombre nabé malu ni biʼniʼ ca israelita que esclavu. Para gunda gulee Dios laacabe de guidxi que, biquiiñebe profeta Moisés para biʼniʼ ti milagru ora bixheleʼ nisadóʼ Xiñáʼ que. Despué bidiibe laacaʼ caadxi ley, ne lade cani zeeda Chii Mandamientu, para guluiʼbe laacaʼ xi naquiiñeʼ gúnicaʼ ne para gápabe laacaʼ. Lu ca ley que zeeda xi ofrenda naquiiñeʼ gudiicabe para gutiidilaʼdxiʼ Dios stóndacabe. Gudxi Dios Moisés gabi ca israelita que zuseendaʼ sti profeta, ne profeta riʼ nga binni «ni za de gunaa» que.

Jma de tapa gayuaa iza despué bidii stiidxaʼ Dios rey David, qué ziuu dxi gusaana de guni mandar binni ni gueeda, o «ni za de gunaa» que. Binni ca nga Mesías ni gulí Dios para gulá binni ne zúnibe ti paraísu lu Guidxilayú riʼ.

Ra zidiʼdiʼ dxi, biquiiñeʼ Dios David ne xcaadxi profeta para gucaacaʼ ximodo zanda ganna binni tuu nga Mesías que. Laacabe guníʼcabe zácabe ti binni ni qué zudxiibaʼ laca laa ne zácabe ti binni nachaʼhuiʼ. Ora guni mandarbe maʼ qué zandaana binni, qué zaca ni cadi jneza, maʼ qué ziuu guerra, ne guiráʼ binni ziuucaʼ tobi si ne zaqueca ziuucaʼ né ca maniʼ. Maʼ qué zaca huará binni, maʼ qué zacanacaʼ ne maʼ qué záticaʼ, purtiʼ cadi zacá diʼ nga gudixhe Dios nibani binni. Ne ca binni ni maʼ guti zabánicaʼ sti biaje lu Guidxilayú riʼ.

Dios biquiiñeʼ Miqueas para guiníʼ zale Mesías que ndaaniʼ guidxi Belén ne laaca biquiiñebe Daniel para guiníʼ zuuti binni laabe despué. Peru Dios zandisaʼ laabe de lade gueʼtuʼ ne zuni laabe Rey guibáʼ. Daniel laaca bicaa ziuu Reinu stiʼ Mesías ca lugar stiʼ ca gobiernu ni nuu lu Guidxilayú ne qué ziuu dxi gusaana de guni mandarbe. Yanna, ñee beeda Mesías que casi maca bizeeteʼ ca profeta que la?

(Biree ni lu Génesis 22 dede 50, ne lu Éxodo, Deuteronomio, 2 Samuel, Salmos, Isaías, Daniel, Miqueas ne Zacarías 9:9.)

LÁ DIOS NI NABÉ NANDXÓʼ

Lu Génesis 2:4 nga primé biaje ra rieeteʼ lá Jiobá lu Biblia. Ne Dios si nga láʼ zacá, biaʼ gadxe mil biaje zeeda labe lu ca primé diidxaʼ gucuá Stiidxaʼ Dios. Ni riníʼ lá ca nga «Laabe nga Ni Runi Gueeda Gaca», nga rusihuinni Dios si nga zanda guni guiráʼ ni racalaʼdxiʼ ne guiráʼ ni maʼ bizabiruaa.

    Libru ne revista zapoteco del Istmo (1993-2025)
    Biteeguʼ sesión
    Bizulú sesión
    • diidxazá
    • Compartir
    • Configuración
    • Copyright © 2025 Watch Tower Bible and Tract Society of Pennsylvania
    • Modo iquiiñeʼ ni
    • Política de privacidad
    • Configuración de privacidad
    • JW.ORG
    • Bizulú sesión
    Compartir