Caadxi modo zanda guinínenu binni

Ca diidxaʼ nacubi stiʼ Reinu núm. 38

«Nagasi canaguiizeʼ ti tratadu ra zeeda caadxi diidxaʼ nabé risaca ne cayaca dxiiñaʼ riʼ guidubi Guidxilayú. Raríʼ bedaniáʼ tobi stiuʼ.»

Nota: Cadi caquiiñepeʼ gutálenu diidxaʼ ti ganda guinínenu guirá ca binni ni nuu neza ra rucheechenu diidxaʼ. Peru zándaca ziuu ora zanínenu tuuxa ni rapa gana güíʼ diidxaʼ. Pa zacá ni la? gunabadiidxaʼ laabe ximodo ruuyabe tema stiʼ tratadu riʼ ne biindané laabe Hechos 24:15 ni zeeda luni. Ne pa guʼyuʼ náparube tiempu la? bisiene laabe xcaadxi cosa ni zeeda lu tratadu riʼ. Ante guireeluʼ gunabadiidxaʼ laabe ni zeeda ra riluxe tratadu riʼ, ra na: «Xiñee rióxhonu ne rátinu», ne gudxi laabe padxí zanda guibiguétaluʼ para gusiidiluʼ laabe jma de laani.

Torre stiʼ ni rapa 1 stiʼ noviembre

«Nuu binni maʼ qué runi cré Dios purtiʼ runadiágacaʼ riníʼ binni stale cosa ni cadi dxandíʼ de laabe. Para lii, gunáʼ nga tobi de ca cosa ni cadi dxandíʼ riníʼ binni de Dios [guleza guicábibe]. Biblia cayabi laanu racalaʼdxiʼ Dios gannaxhiinu laa ne guni crenu zanda gacanebe laanu [biindaʼ Isaías 41:13]. Revista riʼ cusiene xiñee cadi dxandíʼ chonna cosa ni riníʼ binni de Dios, ne pur laacani maʼ bixeleʼ stale binni de laabe.»

¡Despertad! Noviembre

«Stale binni riníʼ maʼ binitilú guidxilayú, purtiʼ maʼ huaxiéʼ tu nanna xii nga jneza ne xii nga ni cadi jneza. Ñee cadi dxandíʼ maʼ bichaa modo nabani binni yanna pur nga la? [Guleza guicábibe.] Maca guníʼ Biblia zaca xpiaʼ binni zacá ne cada dxi tiidiʼ jma feu modo zabánicaʼ [biindaʼ 2 Timoteo 3:1-5]. Revista riʼ cusiene xi guiráʼ zabeendunu pa gudiʼnu lugar gusiidiʼ Biblia laanu xii nga jneza ne xii nga ni cadi jneza.»