Imihlangano Yokusisiza Ekwenzeni Abafundi
ISONTO ELIQALA NGODECEMBER 31
INgoma 18
12 imiz: Izaziso zebandla neZaziso ezikhethiwe ezivela kuNkonzo Yethu YoMbuso. Gcizelela usuku olukhethekile lukamagazini ngoApril 6. Qokomisa isipho sangoJanuary. Cabangela izingeniso ezingasetshenziswa neSihloko Sengxoxo salenyanga.
18 imiz: “Ungadangali.” Ukukhulunyelwa kwamaphuzu asemqoka esihlokweni. Cela ukusikisela okuvela ezilalelini lapho uxoxa ngesigaba 3. Yiba nommemezeli onokuhlangenwe nakho ehambisa isipho, esebenzisa ukusikisela okusesigabeni 5. Khuthaza ibandla ukuba lihlale limatasa enkonzweni yasensimini futhi lingadangali noma lidunyazwe ukungabi nasithakazelo noma ukuphikiswa elibhekana nakho.
15 imiz: Ukwazisa Umsebenzi Wombonisi Wesifunda. Xoxa nezilaleli ngokwaziswa okungaphansi kwesithi “Umbonisi Wesifunda” emakhasini 47-50 encwadi ethi Ukuhlelelwa Ukufeza Inkonzo Yethu. Usihlalo kumelwe agcizelele indlela esingazuza ngayo ekukusekeleni ngokugcwele ukuhanjelwa. Kumelwe sazise isibonelo sokuzinikela kokwesaba uNkulunkulu esibekwa umbonisi wesifunda nomkakhe ekufezeni isabelo sabo.
INgoma 147 nomthandazo wokuphetha.
ISONTO ELIQALA NGOJANUARY 7
INgoma 30
8 imiz: Izaziso zebandla. Phawula kafushane amaphuzu okukhulunyelwa avela komagazini angase asetshenziswe ekufakazeni kulelisonto.
20 imiz: “Ingabe Izingane Zakho Zikulungele Ukubuyela Esikoleni?” Ukucatshangelwa kwesihloko nezilaleli ngemibuzo nezimpendulo. Funda izigaba nemibhalo. Uma kunanoma yikuphi okuhlangenwe nakho kwebandla okubonisa amaphuzu aveziwe, lokhu kunganikezwa uma isikhathi sivuma.
17 imiz: Singahlala Kanjani Siqinile? Uchungechunge lwezingxoxo zokuqokomisa isidingo sokuhlala siqinile futhi singadangali. (1) Xoxa nababili noma abathathu asebekhonze iminyaka eminingi futhi abayizibonelo ezinhle. Yikuphi ukucindezela kokuyeka ukushumayela abaye bahlangabezana nakho futhi bakunqoba? Yini eyabasiza ukuba baqhubeke futhi bangadangali? (Bangase baphawule umkhuleko, ukuba khona njalo emihlanganweni, isifundo somuntu siqu, isikhuthazo esivela kwabanye, nokunye.) Yini abayenza ukuze bamelane nokuphola noma ukuyeka? (Bangase baphawule ukubaluleka kokuhlangana njalo emihlanganweni, ukubambelela esifundweni somuntu siqu ukwazisa ubuhlobo noJehova, nokunye.) Baye bakulondoloza kanjani ukuqina ngokomoya? (Bangase baphawule usizo lwabadala noma abanye, ukubeka izithakazelo ezingokomoya kuqala ekuphileni, ukuthandaza kuJehova, nokunye.) (2) Xoxa nabanye abantwana abangabamemezeli abaphuma njalo nabayizibonelo ezinhle. Yini eye yabasiza ukuba babe abaphuma njalo enkonzweni? Abazali baye babasiza kanjani? Ingabe abanye abamemezeli bayabakhuthaza futhi babasize enkonzweni yasensimini? Iyini imigomo yabo enkonzweni kaJehova? Phetha ngokubukeza kafushane amaphuzu enziwe kulezingxoxo.
INgoma 10 nomthandazo wokuphetha.
ISONTO ELIQALA NGOJANUARY 14
INgoma 121
10 imiz: Izaziso zebandla. Umbiko wezimali nokubongwa kweminikelo. Tusa ibandla ngokusekela umsebenzi womhlaba wonke kanye neSikhwama SeNhlangano SamaHholo OMbuso. Donsela ukunakekela ekwazisweni okukwesithi “Lungela Umkhankaso Wesikhokhelo SeNqabayokulinda,” futhi ukhuthaze abamemezeli ukuba bacele omagazini abengeziwe abadingekayo. Abamemezeli bangase bafise ukuletha iWatch Tower Publications Index 1986-1989 yabo eMhlanganweni Wenkonzo ngesonto elizayo.
20 imiz: I“Medical Document” ne“Identity Card.” Usihlalo udlulisela amakhadi futhi ucabangela izigaba 1, 2, 4-7, 9, no-10 zencwadi yeNhlangano kaJanuary 1, 1990, ngalendaba. Bonisana nezilaleli ngokuthi kungani iziyalezo kumelwe zilandelwe ngokunakekela ukuze kwenziwe amakhadi asivikele ngokuphumelela kakhulu. Abadala bangase bakulandelele lokhu ngemva komhlangano njengoba benza ngonyaka odlule. Ningephuzi ukugcwalisa lamakhadi nokuwenza asayinwe ngendlela efanele.
15 imiz: “Ngingabhekana Kanjani Nokucindezela Kontanga?” Umdala ofanelekayo ngokuhlakanipha uxoxa ngamaphuzu asesahlukweni 9 sencwadi ethi Intsha Iyabuza nabasha ababili abayizibonelo. Vuma kafushane ukuthi isifiso sokuba yisilomo nokwamukelwa ontanga sinamandla. Ngisho nabantu abadala ukucindezela okunjalo kungabathinta. Ingabe kuye kwaba lula ngentsha ukubhekana nalokhu? Iye yaphumelela kanjani ekumelaneni nakho? Sebenzisa “Imibuzo Yengxoxo” esekhasini 80 ukuze uthole okusenhliziyweni yentsha futhi ubonise indlela okungenzeka ngayo ukwakha amandla okumelana nokucindezela kontanga. Bonisa ukwazisa ngesibonelo esihle intsha ebandleni esibekayo. UJehova ujabula kakhulu ngokuziphatha kwabo okuhle futhi kuyamdumisa.—IzAga 27:11.
INgoma 108 nomthandazo wokuphetha.
ISONTO ELIQALA NGOJANUARY 21
INgoma 111
10 imiz: Izaziso zebandla. Izindaba Ezingokwasezulwini. Hlanganisa namalungiselelo enkonzo yasensimini angempelasonto. Nikeza ukusikisela kokuthi iziphi izihloko ezikomagazini bamuva ezingase zikhange kakhulu kubantu ensimini yebandla. Sonke kumelwe siphathe ipheshana elithi Ukuphila Ezweni Elisha Elinokuthula eMhlanganweni weNkonzo ngesonto elizayo.
15 imiz: “Ukufeza Inkonzo Yethu YoMbuso Ngosizo LweIndex.” Inkulumo ngomdala nokuhlanganyela kwezilaleli. Bonisa indlela umdala nenceku ekhonzayo abangasebenzisa ngayo i-Index ekulungiseleleni ukuhambela kokwelusa. Xoxa ngendlela okungafundiswa ngayo abamemezeli ukuba basebenzise i-Index ukuze bacebise ukufundwa kweBhayibheli kwamasonto onke. Uma ningenayo i-Index yesiNgisi, bonisa indlela yokusebenzisa i-Index ekhishwa minyaka yonke kuyiNqabayokulinda nePhaphama!
10 imiz: “Qabula Izihlobo Zakho Ngamanzi Eqiniso.” Isekelwe esihlokweni seNqabayokulinda kaFebruary 15, 1990, amakhasi 25-7.
10 imiz: Imisebenzi Yomphathi Wezincwadi. Umbonisi wenkonzo uxoxa nomphathi wezincwadi, ebukeza imithwalo yemfanelo ehilelekile. Kuyoba kuhle ukuqokomisa izidingo zebandla eziyosiza ukuthuthukisa ukuphakwa kwezincwadi ngaphambi nangemva kwemihlangano.
INgoma 203 nomthandazo wokuphetha.
ISONTO ELIQALA NGOJANUARY 28
INgoma 192
8 imiz: Izaziso zebandla.
22 imiz “Ukushumayela Izindaba Ezinhle—Ngamapheshana Nezimemo.” Ingxoxo ngemibuzo nezimpendulo. Yenza ukuba kufundwe imibhalo. Ngemva kokuxoxa ngesigaba 7, yiba nephayona noma omunye ummemezeli onekhono ebonisa indlela yokuqalisa isifundo empindelweni esebenzisa ipheshana elithi Ukuphila Ezweni Elisha Elinokuthula. Khuthaza abamemezeli ukuba basebenzise lendlela ezimpindelweni, ikakhulu uma bekunzima ukuthola abaninikhaya emakhaya ngemva kokuhambela kokuqala. Cela abamemezeli abalungiselele ukuba bakhulumele impumelelo abaye baba nayo ngokusebenzisa lendlela. Qinisekisa ngokuthi ibandla linamapheshana nezimemo okwanele kahle.
15 imiz: Ungaba Yiphayona Elisizayo ngoApril? Inkulumo efudumele ngomzalwane onokuhlangenwe nakho njengephayona elivamile noma elisizayo. Xoxa nabaningana abaye baba amaphayona asizayo esikhathini esidlule. Yikuphi ukulungisa abakwenza ukuze bahlangabezane nomgomo wabo? Qokomisa ukuhlela okuwusizo abaye bakwenza. Njengoba inkathi yeSikhumbuzo isondela, khuthaza abamemezeli abanesithakazelo ukuba baxoxe ngalokho abakuhlelile nomdala. Ngokuba nombono oqondile manje, abaningi bazoyijabulela lenkonzo. Kwabanye lokhu kungase kube isinyathelo esiholela enkonzweni yobuphayona obuvamile. (km 2/90 k. 3) Amafomu ezicelo angatholakala kumbonisi owengamele noma unobhala.
INgoma 151 nomthandazo wokuphetha.